O Concello de Cervo explica que “a Deputación só limpará estradas provinciais unha vez ao ano sen ter en conta o seu estado”

Cervo, 15 de xullo de 2013-O Concello de Cervo vén de recibir unha comunicación da Deputación, asinada pola súa vicepresidenta, Lara Méndez, na que informa de que só limpará as estradas da súa titularidade unha vez ao ano. O texto di, literalmente, que “a experiencia nos indica que as rozas realizadas nos meses de maio ou xuño non adoitan aguantar todo o verán sen que a maleza volva ao seu estado primitivo”.

Este escrito chegou ao Concello semanas despois de que a administración local lle pedise á Deputación en reiteradas ocasións a limpeza urxente das estradas provinciais. Un escrito “preocupante” non só pola negativa de rozar as súas vías, senón porque “se ha convertido ya en una costumbre de la Diputación”, que “parece haber establecido por norma una limpieza anual, sin tener en cuenta la peligrosidad de cada momento ni la mala imagen generada”.

Ademais, Alonso considera “irrisorio”, que a Deputación asegure, textualmente, “non ter inconveniente en que dende o Concello se rocen tramos ou estradas provinciais concretas, sempre e cando se solicite autorización para levar a cabo ditos traballo”. “Eluden responsabilidades, se desocupan de sus carreteras y quieren que el Concello les pida permiso para quitarles trabajo” explica a edil.

A delegada de Medio Ambiente lembra que hai unhas semanas o Concello tivo que asumir con medios propios a limpeza das entradas principais de San Ciprián e Cervo “porque la maleza invadía aceras y carreteras y el gobierno local no puede permitir estas situaciones de inseguridad”.

O Concello lembra que son dez son as vías provinciais que existen no municipio cervense, que en total suman unha lonxitude de máis de 49 quilómetros e que son de titularidade e competencia única da Deputación Trátase das seguintes: De Río Covo ao porto de San Cipián; de Burela, por Vilaestrofe, ata Ferreira; de Río Covo, por Trasbar, ata Vilaestrofe; de Riocobo ás fábricas de Sargadelos; da N642, por Cervo e Sargadelos, á CP 1502; da N642 a Cuíña; da Venta a Lieiro; de Figueirido ao Paraño, en Sargadelos; de Pedrouzo a Castelo, no tramo ata a Senra e de San Ciprián, por A Marosa, ata Burela.