Lugo, 16 de xullo de 2013. O Boletín Oficial da Provincia de Lugo publica, este martes, a concesión de axudas económicas aos concellos por parte da Vicepresidencia da institución provincial para a prestación do Servizo de Axuda no Fogar (SAF) na súa modalidade básica para a anualidade 2013 por valor de 650.000 euros, un 27 cento máis que en 2011.
66 dos 67 concellos da provincia, é dicir, todos agás o de Lugo, recibirán esta subvención en función do número de usuarios e usuarias que teñen previsto atender ao longo deste ano e que lles permitirá continuar prestando este servizo sen que repercuta nos máis de 2.400 lucense que se benefician del a decisión do Goberno galego de deixar de cofinanciar o SAF básico nos concellos con menos de 20.000 habitantes.
Estas axudas, que foron aprobadas na Xunta de Goberno do pasado venres e que se concederon de acordo a criterios obxectivos e nunha mesa na que tiñan representación os tres grupos políticos con presenza na Deputación, permitirán manter preto de 2.000 postos de traballo.
O Boletín Oficial da Pronvicia de Lugo recolle, tamén, a relación de documentos para a xustificación e aboamento destas subvencións destinadas a gastos correntes do Servizo de Axuda no Fogar básico.
Vicepresidencia da Deputación materializa deste xeito o seu compromiso co mantemento dos servizos sociais nas zonas do rural lucense e cos colectivos máis desfavorecidos como persoas maiores e dependentes.
Enlace ao BOP:
www.deputacionlugo.org/portal_localweb_ag/RecursosWeb/DOCUMENTOS/1/0_8377_1.pdf#PAGE=8
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
