Foz, 17 de xullo de 2013. Esta xornada o Portavoz Nacional do BNG, Xavier Vence, estivo na comarca da Mariña na compaña de responsábeis orgánicos e institucionais do BNG a fin de participar dos actos preparatorios do Día da Patria que esta organización vén desenvolvendo nas dúas últimas semanas.
Ana Ermida, responsábel comarcal do BNG na Mariña, indicou na súa intervención que o “forte destes actos preparatorios desenvolverase na fin de semana, comezando o venres cun acto lúdico e reivindicativo no Cantón de Ribadeo, continuando o sábado coa tradicional chicharrada en Foz, e rematarán o domingo co manifesto nacionalista polo Día da Patria que a organización organiza en Barreiros”.
Ermida quixo facer tamén unha chamada á mobilización á poboación da Mariña, xa non só a participar neste actos que desenvolve o BNG mariñán, senón á gran mobilización patriótica que o 25 de xullo partirá ás 12 da mañá da alameda compostelá. Ana Ermida lembrou que se porán ao dispor buses gratuítos para todos os veciños e veciñas da Mariña que o desexen poidan empregar o transporte colectivo apuntándose no teléfono 982 140 654.
Ermida afirmou que “son tempos de mobilización e loita e esta idea esta a callar na sociedade como mostra o importante número de persoas que xa se teñen apuntado nos locais do BNG para participar na mobilización que será histórica, para pór en valor a capacidade mobilizadora do nacionalismo.
Pola súa banda, o portavoz nacional do BNG, Xavier Vence, na súa visita á Mariña, na que tamén aproveitou para participar nunha asemblea comarcal organizada polo BNG da Mariña para analizar e debater sobre o Día da Patria, manifestouse a razón da ofensiva recentralizadora que se está a vivir no conxunto do país e que ten “unha expresión moi clara no reforzamento das provincias a través da concentración dos servizos na capitalidade. Non hai dúbida de que a provincia é un instrumento central da ofensiva centralizadora do Estado, e todo o implica aumentar as competencias ás provincias significa afastar servizos dos usuarios”.
Vence lembrou que “decisións como o desmantelamento da oficina da Axencia Tributaria de Foz, que daba servizo a toda a Mariña, e que tamén é aplicable a moitas outras delegacións de facenda de moitas outras comarcas galegas, ou a decisión de eliminar áreas de xestión sanitaria como fixo na comarca da Mariña e con anterioridade noutras comarcas do país, como Verín e o Barco”.
Segundo afirmou Xavier Vence, “esta decisión lonxa o servizo dos cidadáns, xa que aínda hoxe un traslado da Mariña a Lugo é unha hora de viaxe e tamén representa un impacto na economía desta comarca, porque hai que lembrar que o Hospital da Costa é o segundo centro de emprego da Mariña”. Non quixo o portavoz nacionalista deixar de referirse á proposta que o goberno do Estado acaba de poñer enriba da mesa para suprimir os partidos xudiciais. Neset sentido, Vence afirmou que “a desaparición dos xulgados de Viveiro, pero especialmente a de Mondoñedo, implicaría que, ademais de afastar estes servizos dos veciños e veciñas da Mariña e colapsar os xa saturados xulgados da cidade de Lugo, a economía e poboación mindoniense recibisen un golpe difícil de superar”.
Vence tamén sinalou que “na ofensiva recentralizadora hai que situar tamén a lei de reforma do réxime local, que non vai servir para facer máis eficientes os concellos, senón que pola contra o único que vai facer será agravar a situación actual, posto que a reforma pendente no ámbito local en Galiza ten que tocar necesariamente o financiamento, dotando os concellos dun sistema de financiamento que teña en conta a nosa realidade nacional, coa súas características de dispersión ou avellentamento da poboación”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
