CIG-Saúde considera inaceptábel o texto modificado presentado polo SERGAS, a pesar de ter, de partida, unha posición favorábel á “Xestión Clínica” entendida como un cambio de estrutura cara unha maior participación e implicación dos profesionais na xestión. Considera que o texto está ateigado de “ambigüidades e de aspectos claramente negativos”, nomeadamente no que se refire a xestión de Recursos Humanos, Económicos e Sistemas de Avaliación.
A CIG-Saúde considera positivos os principios que inspiran á denominada “Xestión Clínica”, que introducen a procura da implicación dos profesionais na xestión dos recursos empregados na práctica clínica, xestión por procesos, o obxectivo de minimizar a variabilidade inxustificada na práctica clínica, preocupación pola eficacia, a efectividade e a eficiencia, procura da boa coordinación entre niveis asistenciais ou a introdución da cultura da avaliación de resultados como instrumento para a mellora da calidade asistencial, entre outros.
Porén, rexeita novamente o texto presentado pola Administración para a creación de Áreas de Xestión Clínica, que introduce modificacións á proposta anterior, porque segue a estar cheo de ambigüidades e de aspectos claramente negativos. Eses aspectos negativos son moi rechamantes no relativo aos cambios que o Decreto pode introducir na xestión dos Recursos Humanos, dos Recursos Económicos e nos Sistemas de Avaliación.
Ademais, o momento no que se presenta o borrador de Decreto, de importantes recortes e privatizacións da sanidade pública, e “coa coñecida querenza da actual Administración sanitaria galega polas fórmulas máis contrarias aos intereses da Sanidade Pública e do seu persoal, fai que a nosa desconfianza se reafirme, polo que defendemos manter expresamente a xestión clínica no ámbito de Sanidade Pública”, din.
Fronte ás propostas recollidas no documento, defenden que as áreas de xestión clínica se conformen tendo contando coa opinión do persoal, entendendo que “se se pretende buscar a implicación da xente, hai que tela en conta”.
Demandan a definición dos incentivos e dos procedementos de avaliación conforme a criterios de mellora da saúde da poboación, considerando que o incentivo “debe vir dado polos resultados de saúde acadados e non polo aforro conseguido” e que estes “non poden substituír ningún concepto salarial actual”.
Subliñan que a elección da figura de directora da área debe facerse de xeito transparente e en base a principios de igualdade, mérito e coñecemento e con dedicación exclusiva mentres estea nese posto.
Reclaman a participación, na estrutura directiva da área de xestión clínica, de profesionais representativos de todos os traballadores da área, de todos os grupos profesionais e non só dunha categoría e a avaliación, por parte dos órganos de participación cidadá das áreas de xestión clínica, así como da consecución dos obxectivos, partindo de que “a sociedade ten que participar na xestión clínica”.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
