A Pontenova, 29 de xullo de 2013.- O voceiro do Partido Popular na Pontenova, Jorge García, considera “necesario” que os orzamentos locais presenten algunha partida destinada a incentivar o emprego no municipio. Así, co obxecto de implicar á administración municipal na dotación de postos de traballo, o Grupo Popular da Pontenova vén de rexistrar unha moción para o seu debate na próxima sesión plenaria e na que insta ao equipo de goberno do Concello a que cree un plan de emprego municipal.
Jorge García realza a importancia da implicación do Concello na creación de emprego como “institución máis próxima ao cidadán” e polo tanto, engade o popular, “tenlle que axudar aos veciños nos seus problemas do día a día, sendo hoxe en día unha das máximas preocupacións a de facerlle fronte aos elevados índices de persoas en paro”.
O voceiro presenta esta iniciativa tras que o alcalde socialista desatendera en varias ocasións ás peticións dos populares nas que urxían e propoñían medidas orientadas a crear postos de traballo, “que vaian dirixidos a quen máis os necesita e á vez que axuden aos negocios locais, para os que tamén lles será moi vantaxoso contratar a alguén da localidade en vez de fora e que encima lles sexa rendible”, puntualiza.
O PP procurou en reiteradas ocasións a implicación do Concello na creación de emprego
Jorge García explica que as últimas actitudes postas de manifesto polo alcalde da Pontenova evidencian que o socialista “fai oídos xordos as demandas dos veciños trasladadas polo PP” ao negarse en varias ocasións a crear partidas dentro dos orzamentos municipais “que estivesen dirixidas ao fomento do emprego no concello, sobre todo entre aqueles veciños máis necesitados”.
O popular explica que o seu grupo votou en contra dos orzamentos 2012 e 2013, entre outros motivos, porque sendas planificacións de gasto para as respectivas anualidades non incluían ningún fondo dirixido ao fomento do emprego ou a incentivar o comercio, así como as pequenas e medianas empresas do municipio.
O voceiro reivindicou en varias ocasións a implicación do goberno local na creación de postos de traballo, realzando a importancia de xerar emprego “entre os máis novos que permita asentar a xuventude no noso concello”.
Propostas dos populares
Tras a negativa do alcalde socialista de atender a esta demanda durante o debate dos orzamentos, os populares rexistran agora unha moción dirixida a fomentar o emprego xuvenil, en particular, así como o do resto da poboación en xeral.
“Consideramos imperdoable que o alcalde dea as costas aos veciños e non atenda as peticións dos máis novos que queren traballar”, explica Jorge García, polo que, “vemos obrigado reivindicar a colaboración do goberno local” e para elo “presentamos esta iniciativa plenaria dunha maneira seria e construtiva, aportando ideas que reincidan no ben colectivo”.
Deste xeito, o PP da Pontenova na súa moción concreta que o plan de emprego que propoñen debe incluír, como mínimo, apoios que van dende a contratación directa do persoal, ata incentivos á contratación por parte de empresas e autónomos de persoas empadroadas no municipio.
Resultou gañador na categoría A, destinada a participantes de até 14 anos, Daniel Franco Fernández. Na categoría B, para maiores de 14 anos, a obra seleccionada foi a presentada por Maite Fernández Cendoya.
O Parque María Cristina da Caridá volverá encherse de oficios, sabores, música e tradición esta fin de semana, días 4 e 5 de xullo.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
