A xunta diretiva do club Baloncesto Burela, despois de analizar detidamante as vantaxes e inconvintes que tería xogar na categoría que acadou ao quedar campeón do grupo norte de 2ª división; comunica neste martes 30 de xullo, data na que remata o prazo para a inscrición de equipos en Primeira División Autonómica, a decisión de non inscribir o equipo na devandita categoría e volver a inscribilo na Segunda división autonómica onde xogará de novo na vindeira tempada 2013-2014.
“Entre as causas que valoramos para facelo así, ademais das meramente deportivas, xa que esixirían una maior implicación de toda o plantel de xogadoras, pesaron de maneira moi especial as de carácter orzamentario e económico. Nas actuais circuntancias, poñemos por enriba de todas a pervivencia dos equipos de base, asumir un maior custe no primeiro equipo podería poñer en perigo a pervivencia dun número importante de equipos de base que entendemos que é a misión fundamental do club”, segundo considera José Pedro Chao Polo, presidente do club.
“Esperemos que na próxima temporada ou en próximas temporadas as xogadoras volvan a acadar o ascenso, e entón con maior base deportiva e con mellores condicións económicas tentaríamos voltar á categoría a que agora renunciamos”, engade o presidente.
A diretiva do club lamenta que as xogadoras que acadaron na cancha un moi merecido ascenso non o poidan materializar na próxima temporada na que estamos seguros que influiría positivamente na súa marcha coma xogadoras, pero tendo en conta que moitas aínda están en idade júnior, terán sen dúbida novas oportunidades de chegar a Primeira autonómica.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
