Celestino García Paz, en representación do Grupo Municipal Popular de Viveiro, realiza ao Alcalde da Corporación os seguintes rogos, ao obxecto de que se subsanen as deficiencias sinaladas coa maior prontitude posible:
1.- En Escourido, na parroquia de Covas, no lugar da Laxe, fronte á vivenda nº 6 , fai uns meses un poste de madeira cun punto de luz de alumeado público rompeuse debido ao mal estado en que se encontraba. Persoal do Concello recolleron o punto de luz e o cable; pero, a día de hoxe e transcorrido bastante tempo, non se volveu repoñer. Por iso, unha parte do burgo se encontra sen luz, o que engadido ao mal estado da vía de acceso fai que os moradores da zona soliciten a reposición da luz pública e a reparación do acceso. Por este motivo rogamos ao equipo de goberno que proceda a dar solución ás demandas veciñais do burgo de Laxe en Escourido.
2.- Un dos postes de alumeado público de aceiro inoxidable, entre o paso de cebra fronte a casa de Portos de Galicia, no porto de Viveiro, e a entrada á ponte en dirección a Covas en Viveiro encóntrase sen tapa de acceso ás conexións, o que supón un grave perigo sobre todo para os nenos, pois poden manipular dita zona con corrente eléctrica, polo que rogamos se proceda á súa subsanación.
3.- Na ponte da Misericordia, na beirarrúa dereita en dirección a Covas, existen tapas de arquetas, supoñemos que de Telefónica, que están por debaixo do nivel da beirarrúa, o cal provocou varias caídas de viandantes, por iso solicitamos ao goberno municipal que tome as medidas para a súa corrección.
4.- No parque de A Parrela, ao lado de Parquemar 1 en Cantarrana – Covas hai dúas reixas de peche da pista deportiva multiusos, unha das cales está solta e outra suxeita soamente por un lateral, por iso ao ser un parque público constitúe un verdadeiro perigo sobre todo polos nenos. Por este motivo informamos ao goberno municipal da súa necesaria reparación.
5.- En diversas zonas da parroquia de Covas como Pereira, Lapido, Alvarelle, etc. encóntranse as vías de acceso bastante deterioradas, con moitas fochancas, desconchados, pedra solta, etc. debido á nula conservación das mesmas; polo que solicitamos ao equipo de goberno a súa reparación.
6.- En varias ocasións, veciños que utilizan o parque infantil situado na praza da rúa Jacinto Calvo, manifestaron a necesidade de que se instalen máis bancos para poder sentarse os pais ou avós que acompañan aos nenos que alí xogan. Sinalar que na actualidade so hai 2. Este parque infantil utilízano moitos nenos e nenas e o certo é que os adultos teñen que sentarse no chan ou nas escaleiras que soben cara os garaxes do edificio Vilareal. Por este motivo solicitamos que se coloquen máis bancos nese punto para poder subsanar estas incomodidades.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
