Cervo, 30 de xullo de 2013-O Concello de Cervo e o Centro de Iniciativas Turísticas presentaron hoxe o cartel e o programa do XXXII Día do Turista que terá lugar o sábado día 3 de agosto. Un acto no que estiveron presentes a edil da área, Begoña Alonso e a presidenta do CIT, María Jesús Álvarez.
Unha cita estival que organiza o CIT e coa que colabora a administración cervense achegando uns 1.300 euros de axuda económica así como apoio técnico e humano. A xornada festiva inclúe numerosos actos lúdicos para diferentes públicos que se desenvolverán dende a mañá ata a noite.
En concreto, o programa arrincará ás 10:00 horas co chupinazo. Media hora despois o Grupo de Gaitas “Os Farallóns” comezará a animar as rúas da vila. Ás 11:00 horas dará comezo o terceiro mercado de obxectos de segunda man e artesanía na praza dos Campos.
As actividades continuarán pola tarde, a partir das 17:30 horas, co taller de artesanía do vimbio. Ao mesmo tempo, a partir das 18:00 horas, ofrecerase unha degustación de bolos preñados e empanada. Ademais este ano haberá un espectáculo e obradoiro de pompas de xabón dirixido especialmente aos nenos e nenas que arrincará ás 18:30 horas. Non faltará o Antroido de Verán, que organiza a ACIA de San Cibrao e que comezará ás 21:00 horas.
Begoña Alonso destaca que o Día do Turista é un evento cunha longa traxectoria en San Ciprián e que ten o obxectivo de “homenajear y ofrecer a nuestros visitantes una jornada completa cargada de actos festivos como una forma de mostrarles nuestra atención y de invitarlos a volver el año que viene”. A edil de Turismo asegura que dende o Concello de Cervo “colaboramos con esta fiesta teniendo en cuenta nuestro potencial y nuestras posibilidades de atracción turística”. De feito, tal e como lembra Alonso, “esta fiesta es también un apoyo a las empresas y comercios vinculados al sector turístico”. A edil remata convidando tanto a visitantes e turistas como a veciños “a salir a la calle y a participar en el programa para mostrar un San Ciprián vivo y activo”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
