Lugo, 31 de xullo de 2013.- O Partido Popular valora co seu servizo xurídico a posibilidade de dar traslado á Xustiza dos feitos acontecidos co nomeamento da Xoán Estúa logo que durante o Pleno provincial que tivo lugar no día de onte o bipartito da Deputación vírase na obriga de recoñecer “non un erro, senón un feito, que este señor percibía un soldo por estar adscrito a unha área de goberno pero traballaba na sede do BNG de Foz”
Pese ao intento de PSOE e BNG por restar importancia e gravidade destes feitos, atribuíndoos a un erro na publicación do nomeamento no Boletín Oficial da Provincia –un erro que tardaron dous anos en corrixir-, a realidade é que ningún destes grupos aceptou reintegrar os salarios “indebidamente percibidos por este traballador”, tal e como así llo esixían os populares a través da moción plenaria
SITUACIÓN FRAUDULENTA
Insisten en cualificar estes feitos como de “fraude político co diñeiro dos lucenses” xa que está máis que comprobado que Xoán Antón Estúa estivo realizando labores políticas en Foz, mentres estaba percibindo un salario por estar adscrito a unha área de goberno do ente provincial, concretamente a de Cultura, Turismo, Ensino, Normalización Lingüística e Patrimonio Histórico.
NAS INSTALACIÓNS DA DEPUTACIÓN
Os populares aclaran tamén que aínda que esta persoa estivese nomeada como traballador do Grupo Provincial do BNG e non da área de Goberno –tese que defenden desde a Deputación, a pesar do contido do BOP-, debería estar a traballar como mínimo na súa xornada laboral, nas instalacións que esta formación política ten na Deputación de Lugo e non na sede do BNG en Foz, ou participando nas manifestacións que convocan na Mariña, a case un cento de quilómetros de distancia.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
