O Barco Muralla, a aula turística-medioambiental da Deputación de Lugo, contou cunha elevada afluencia de público esta pasada fin de semana na súa visita á vila costeira de Burela. A embarcación amarrou na localidade o venres pola tarde e permaneceu alí ata o domingo, coincidindo coa Feira de Produtos Artesanais e Ecolóxicos de Burela. Preto de 500 persoas achegáronse ata o Porto de Burela para desfrutar das actividades lúdicas e informativas que se propoñían. Entre os asistentes que acudiron atopábase público de Asturias, Madrid, Pais Vasco, Cantabria, Cataluña dentro do marco nacional e Francia, Colombia e Romanía dentro do marco internacional.
O Barco levou a cabo diversas actividades para público de todas as idades, tanto no interior como no exterior da nave, contando cunha meteoroloxía favorable para elo. Fóra situáronse os talleres de traballos manuais para nenas e nenos, así como un apartado de reciclaxe onde os máis pequenos puideron comezar a concienciarse na defensa do medio ambiente. No interior da embarcación os asistentes puideron informarse sobre a diversidade ambiental da provincia ó contar cunha sala con ordenadores portátiles. Contigua á sala de informática, tamén se atopa unha sala na que se expuxeron vídeos con material informativo editados por membros da Fundación Tic, organismo dependente da Deputación. Ademais, dous monitores guiaron en todo momento a todos os asistentes, que tamén dispoñen de dípticos de información sobre as Reservas da Biosfera, e iniciativas empresariais ou formativas relacionadas co medio ambiente.
Ruta de verán
Esta foi a segunda cita do Barco no verán, logo da súa visita a Guitiriz a pasada semana, onde, pese ás malas condicións climatolóxicas contou cun alto número de asistentes. A actividade continuará a súa ruta de verán polos concellos de Viveiro, Monforte de Lemos e Vilalba, onde espera obter á afluencia de público das recentes citas. A vindeira fin de semana o barco atoparase na localidade de Viveiro, onde se poderá visitar ata o domingo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
