Burela, 5 de agosto de 2013. O alcalde, José Mª González Barcia, denunciou este luns a presenza de multitude de carteis publicitarios que foron pegados de xeito indebido no mobiliario urbano, sen respectar a normativa municipal. O equipo de goberno encargoulle un informe á Policía Local e anuncia que procederá a abrir os correspondentes expedientes ás empresas infractoras.
O rexedor explicou que “ultimamente estamos detectando en rúas, farolas, marquesiñas, etc, a presenza de multitude de carteis que están pegados de forma indebida sen respectar a normativa municipal. Démoslle orde á Policía Local para que elabore un informe o máis exhaustivo posible sobre a presenza de carteis pegados en lugares non autorizados”.
O equipo de goberno vai cumprir a norma con todo rigor, “desde que ese informe estea nas nosas mans vamos abrir os correspondentes expedientes para que as empresas que están utilizando elementos do mobiliario urbano de carácter público retiren de forma inmediata os carteis, senón retirarémolos nos. O que si é certo é que vamos cumprir a ordenanza porque o que non podemos permitir baixo ningún concepto é que se peguen carteis, anuncios, etc, de forma absolutamente indiscriminada”.
González Barcia cre que “as empresas anunciantes deben ser o suficientemente serias e responsables como para saber que os carteis se pegan nos lugares autorizados para este fin e non de forma completamente aleatoria en colectores, como dicía, marquesiñas, etc, parece ser que vale todo e isto loxicamente temos que atallalo. Temos queixas dalgúns veciños, lóxicas por outra parte, ante esta situación e nós como Concello poñeremos todos os medios ó noso alcance para evitar este absoluto desaguisado porque non se pode chamar doutra forma”.
O alcalde pídelles “ás empresas anunciantes que actúen con rigor e que colaboren cos responsables municipais en manter a Burela nunhas condicións óptimas en canto ó ornato se refire”.
Resultou gañador na categoría A, destinada a participantes de até 14 anos, Daniel Franco Fernández. Na categoría B, para maiores de 14 anos, a obra seleccionada foi a presentada por Maite Fernández Cendoya.
O Parque María Cristina da Caridá volverá encherse de oficios, sabores, música e tradición esta fin de semana, días 4 e 5 de xullo.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
