O PP de Viveiro denuncia a “calamitosa xestión económica do goberno municipal socialista”

No último Pleno do Concello de Viveiro, celebrado o pasado 1 de agosto de 2013, o interventor accidental daba conta da relación de facturas enviadas ó Ministerio, en cumprimento do R.D. Ley 8/2013 e onde aparecían facturas recoñecidas ata o 31 de maio e pendientes de pago por un importe de 859.226,85 euros. Obsérvase claramente como a sangría económica non se detén e a débeda vai aumentando exponencialmente sen que o alcalde e o seu equipo de goberno fagan nada por detela.

Así ós 14,7 millones de euros de débeda viva, habería que sumar estes 859.226,85€ ( por certo todas facturas de gasto corrente, non en inversión ), xunto coa débeda que se mantén con Aquagest de 733.613,19 € (pola xestión da EDAR), así como as reclamaciones de constructores de devolución de licenzas de obras outorgadas, pero non executadas, que ben poderían rondar os 400.000€, ás que teríamos tamén que incorporar aquelas famosas facturas de caixón denunciadas no seu momento, polos seus ex socios de gobierno os Sres do BNG. No mellor dos casos estariamos faland dunha débeda que xiraría en torno ós 18 millóns de euros.

O certo é que a situación é moi preocupante ó ser de quebra total, xa que estas facturas pendentes se xeraron nun ano aproximadamente, polo que da a impresión de que o goberno local se limita a pagar nóminas do personal e pouco máis, non axustándose ó dispuesto nos presupuestos do 2013. É un claro exemplo de política de ir tirando a ver que sucede, non se planifica nada e sempre se funciona a golpe de impulso (agora entendemos aínda mellor o por qué non había vontade de aprobar un novo orzamento, téndose que forzar esta aprobación por iniciativa do PP).

Dende o PP de Viveiro constatamos que non se aplica ningunha das recomendacións suxeridas nos distintos informes de intervención, onde se sinala un excesivo gasto en persoal e en gasto corrente, aparte de sinalar a mala organización do persoal o que fai que se perda efectividade no aproveitamento do mesmo.

O PP de Viveiro denuncia a irresponsabilidade total de alcalde e o seu equipo de goberno, así como a do BNG, que no seu momento o apoiaron e cogobernaron con el, tanto por habelo aupado no seu momento como por sustentalo na actualidade e permitir a grave situación económica na que está sumido o noso Concello sen dicir esta boca é miña. Agravamento que se acentúa como consecuencia de gastar máis do que se ingresa e de facer caso omiso das recomendacións e informes tanto da Intervención Municipal como do Goberno da Nación.

O PP de Viveiro pensaba que co Plan de Pago a Provedores se puxera o contador a cero e que as medidas sinaladas no Plan de Axuste se aplicarían, pero transcorrido pouco máis dun ano vemos con preocupación cómo non se cumpre ningunha e non so iso; senón que a débeda se dispara e probablemente non se deterá aquí.

O alcalde e o seu equipo de goberno, xunto con aqueles que son cómplices necesarios para que isto suceda (o BNG), colocaron ó Concello nunha situación insostible (hai que recordar que Viveiro encabeza o ránking deses 10 Concellos galegos nos que a débeda é superior ó orzamento), sen que haxa vontade, nin capacidade para solventar esta sangría. Da a impresión de que a única saída que se busca para o noso Concello sexa a intervención económica por parte do Ministerio de Hacienda, que visto o visto pode que sexa o máis probable, pero que falará ben ás claras da inoperancia, a deixadez e a pouca ou nula capacidade de xestión do equipo de goberno socialista de Viveiro.