O Valadouro, 9 de agosto de 2013.- O presidente e portavoz do Grupo Municipal do Partido Popular no Valadouro, José Manuel Lamela ofreceu este venres unha rolda de prensa -acompañado dos concelleiros populares- para dar conta da decisión da súa formación política de impugnar os orzamentos locais para o ano 2013. Os populares veñen de iniciar unha batería de recursos contra as contas municipais por entender que son nulas de pleno dereito. Entre as iniciativas impulsadas polo PP se inclúen desde a petición formal dunha revisión de oficio do acordo plenario nas que se aprobaron ata unha denuncia ante a Subdelegación do Goberno en Lugo, a formalizar cando as contas sexan definitivas.
Entre os argumentos empregados polo PP para rexeitar os orzamentos locais está a polémica contratación dun asesor -persoal de confianza, nomeado a dedo- que se encargará de coordinar as concellarías en mans de Udival. Os populares sinalan que empregar este procedemento excepcional ademais de desproporcionado e innecesario para un concello de menos de 2.500 habitantes, incumpre a lexislación estatal sobre control do déficit e estabilidade orzamentaria.
No PP están convencidos que as funcións que realizará esta persoa -previsiblemente o número 4 da lista de Udival que non logrou a súa acta de concelleiro- poderían ser asumidas perfectamente por persoal municipal ou por un traballador contratado a través dun proceso selectivo normal no que se respecten os principios de publicidade, mérito e capacidade, nunca polo procedemento excepcional empregado
Con todo a principal irregularidade radica no incumprimento la lexislación estatal, que converte ao orzamento nun documento nulo de pleno dereito. O art. 23.Dous da Lei 17/2012, de 27 de decembro, de Orzamentos Xerais do Estado para o ano 2013 -LPXE 2013-, di textualmente que “durante o ano 2013 non se procederá á contratación de persoal temporal, (…) salvo en casos excepcionais e para cubrir necesidades urxentes e inaplazables” En opinión do PP ningún destes condicionantes de urxente necesidade poden predicarse da contratación deste asesor nomeado a dedo.
Outra das razóns que fan necesario rexeitar as contas aprobadas polo tripartito do Valadouro teñen que ver coa insuficiencia de recursos en áreas tan sensibles como os servizos sociais. A negativa da Deputación a asumir a parte que lle corresponde para o financiamento do servizo de axuda no fogar, segundo a Lei aprobada polo bipartito, fai que a partida prevista polo concello para o sostemento deste servizo sexa insuficiente. Esta situación obrigará como mínimo a incrementar as aportacións que fan os usuarios, resultado dunha falta de compromiso e de sensibilidade do bipartito provincial que incumpre a súa obriga de cooperación cos concellos.
VOTO EN CONTRA
O Partido Popular do Valadouro xa fixo constar, co seu voto en contra, a oposición á aprobación dos orzamentos municipais na sesión plenaria que tivo lugar o pasado 9 de xullo. Naquel momento ademais destes argumentos hoxe reiterados que amosan a nulidade das contas, os populares explicaron que non podían aceptar uns orzamentos que incrementaban nun 22% a partida de festas populares e non incluían ningunha consignación orzamentaria para a posta en marcha dun plan de emprego.
Aínda que o contido global do orzamento varía moi pouco respecto das contas que presentou no seu día o PP -menos dun 2%- as poucas modificacións incluídas teñen un peso relevante para xustificar a posición contraria dos populares xa que logo o nomeamento do asesor e o resto das irregularidades descritas fan do resultado final un documento a rexeitar.
Finalmente o PP indicou que coa revisión de oficio o tripartito municipal ten un prazo de tres meses para resolver a impugnación e, no caso da denuncia ante a Subdelegación do Goberno -que se formalizará unha vez as contas sexan definitivas- poderán ser requiridos a anular os orzamentos por manifesto fraude de lei. Os populares sosteñen que executar os orzamentos tal e como están formulados sería lesivo para os intereses dos veciños do Valadouro.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
