Lugo, 14 de agosto de 2013.- A directora de Turismo de Galicia, Nava Castro Domínguez, o presidente da Asociación Provincial de Hostelería de Lugo, Cheché Real, e o presidente de Avimós, Francisco Monasterio, interviñeron este mércores no acto de presentación da campaña promocional dos produtos gastronómicos da provincia de Lugo durante a Volta ciclista a España 2013, que promoven Turismo de Galicia e mais a asociación de hostalería luguesa.
O stand, que se instalará nas zonas vip de saída das etapas da edición número 68 da Volta a España 2013, contará con produtos de calidade grazas á colaboración dos Consellos Reguladores de Ribeira Sacra, Ternera Gallega, Arzúa-Ulloa, San Simón da Costa, Pataca de Galicai, Castañas de Galicia, Grelos de Galicia, Pemento de Mougán e Agricultura Ecolóxica de Galicia, ademais de Armadores de Burela e Galletas mariñeiras Daveiga, Queixería Marques de Cernadas e as Asociacións de Criadores Galo Mos, Ovella Galega e Porco Celta.
Sobre o evento, a directora de Turismo de Galicia resaltou o feito de que “a Volta 2013 situará Galicia nas pantallas de todo o mundo. A espectacularidade das imaxes que xera este evento deportivo constituirá o noso mellor escaparate e nesta edición do evento, a Volta percorrerá en Galicia algúns dos enclaves máis espectaculares e xenuínos do noso destino”.
A Volta percorrerá en Galicia cinco etapas, unha delas na provincia de Lugo. Nava Castro explicou que “ademais levará a cada recuncho algo noso a través desta gran iniciativa promocional que hoxe presentamos e que encherá de sabor, de calidade e de arte culinaria as diferentes etapas da competición deportiva”. Segundo comentou, Turismo de Galicia colabora con esta “singular iniciativa que, estamos seguros, constituirá todo un éxito”.
A directora de Turismo incidiu, ademais, nas potencialidades de Galicia como destino gastronómico e no valor deste tipo de iniciativas para dalas a coñecer e promocionalas.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
