Lugo, 14 de agosto de 2013. O vicepresidente da Deputación de Lugo e responsábel das áreas de Benestar Social e Deporte, o nacionalista Antonio Veiga, participou, este mércores, na presentación do II Forum de Innovación e Formación sobre vehículos, que se vai celebrar os vindeiros días 28, 29 e 30 de agosto nas instalacións do Hotel Cabazo de Ribadeo, e que está organizado pola Asociación de Profesores Técnicos e de Esinanza Secundaria de Automoción de Galicia, APAGA, en colaboración co organismo provincial.
Esta actividade, que está aberta tanto a profesionais do sector, profesores e estudantes de Formación profesional, como a afeccionados ao mundo do motor, desenvolverase en tres xornadas nas que as mañás darán cabida a unha serie de conferencias sobre tecnoloxías punteiras no automóbil, impartidas por profesionais de grande prestixio, mentres que as tardes se dedicarán a obradoiros que permitirán desenvolver cuestións prácticas.
Durante a súa intervención, Antonio Veiga amosou a satisfacción polo feito de que se repita a experiencia do ano pasado e animou á organización “a seguir convocando esta actividade formativa que, de seguro, en poucos anos, se convertirá en todo un referente na Mariña”.
Ademais, o vicepresidente da Deputación precisou que “é unha mágoa que outras administracións públicas non se sumen á colaboración no desenvolvemento desta actividade, que significa un importante pulo económico para a vila de Ribadeo e arredores, dada a cantidade de xente que move”.
Paralelamente, os días 30 e 31 de agosto, e 1 de setembro, organízanse dúas exposicións nos xardíns do propio hotel, unha sobre coches actuais e outra de automóbiles clásicos, que darán cabida a unha vintena de vehículos procedentes de coleccións privadas, e que estarán abertas a todo o público en horario de 10 a 14 horas e de 16 a 20 horas.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
