O Salón de Plenos do Concello do Vicedo acollerá ás 12 do mediodía do mércores, día 21 de agosto, un emotivo encontro de carácter cultural no que participará unha representación da corporación municipal cos familiares do poeta Guillermo Carballo Porta e do empresario Jesús Fernández Cobelo, ambos xa falecidos e cuxos restos repousan no cemiterio da parroquia de Santo Estevo do Val.
Despois dun traballo de estudo documental realizado polo técnico de cultura do Vicedo, José Antonio Quelle, os familiares destas dúas personalidades -María, Ángeles e Ramón Carballo Antón, residentes en Barcelona e asiduos veraneantes no Vicedo- realizarán a entrega á Casa da Cultura e ás forzas políticas representadas na corporación dun opúsculo que recolle unha breve presentación biográfica das figuras agora recordadas así como unha mostra panorámica das súas respectivas obras.
Trátase dun primeiro contacto formal entre a familia propietaria desta documentación de interese histórico e a corporación municipal do Vicedo e confíase en que no futuro facilite que se poda disponibilizar ao público na Casa da Cultura da localidade.
A localización do legado de Guillermo Carballo e Jesús Fernández Cobelo foi realizada pola investigadora local Aida López Vale, que promoveu unha recompilación documental nas parroquias do Vicedo e que coordinou unha exposición titulada “Palabras para o recordo”, que estivo aberta na Igrexa de Santo Estevo durante o mes de febreiro do pasado ano.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
