Burela, 23 de agosto de 2013. O Concello aceptou a encomenda para xestionar o obradoiro de emprego Sendas de Burela, Cervo e Xove e aprobou o convenio de colaboración marco correspondente. Foi na sesión plenaria extraordinaria celebrada na mañá deste venres na que tamén se deu o visto bo con carácter definitivo a ordenanza de conservación das vías forestais. O alcalde, José Mª González Barcia, criticou a postura mantida polo PSOE nestes dous asuntos.
No pleno extraordinario de hoxe adoptouse o acordo de aceptar a encomenda efectuada polos Concellos de Cervo e Xove ó Concello de Burela para levar a cabo a xestión do obradoiro de emprego Sendas de Burela, Cervo e Xove. Así mesmo, aprobouse a proposta de convenio de colaboración marco para a encomenda de xestión do obradoiro de emprego.
Segundo o alcalde, José María González Barcia, “poder contar de novo cun obradoiro de emprego, aínda que sexa compartido, e unha boa noticia, xa que poderemos formar desempregados para facilitarlles a súa incorporación ó mercado laboral”. Por outra banda, Barcia afirmou que “a partires de agora profundizaremos na participación conxunta con estes Concellos noutros proxectos ou petición de subvencións”.
O número total de alumnos deste obradoiro será de 22; ademais, levarase a cabo a contratación de monitores e doutro persoal, a través dunha comisión mixta que se formará entre a Xunta e os Concellos. A data de inicio está prevista para o mes de outubro.
O rexedor criticou a actitude mantida polo PSOE: “o Partido Socialista abstívose cuns argumentos realmente lamentables e pouco entendibles. Se non houbera obradoiro de emprego íannos criticar, como o hai critican a forma na que se leva a cabo. O que menos lles interesa son as 22 persoas que se van formar; só lles importa criticar. Resulta un tanto curioso que o portavoz do Partido Socialista estea continuamente redimensionando e repensando e reorganizando as cousas, porque así pasou catro anos e ao final nesa etapa non se fixo nada en Burela. Polo tanto aquela crítica que desde o Partido Popular de Burela se fixo porque o Partido Socialista de Burela non rexeitaba as declaracións feitas no seu día polos deputados provinciais Lara Méndez e García Porto nas que criticaban claramente que Burela tivera un novo obradoiro de emprego segue vixente, porque o Partido Socialista de Burela está nesa liña: non ve con bos ollos que Burela conte cun novo obradoiro de emprego. E iso teñen que sabelo os parados e a maior parte dos veciños e veciñas deste concello. O Partido Socialista está a poñer sempre paus nas rodas para que non avancen”.
González Barcia engadiu que “a Deputación non se compromete absolutamente en nada. Nós pedímoslle ó Partido Socialista que lle faga chegar precisamente á Deputación a necesidade de redimensionar o Pacto Provincial polo Emprego e sacar outro Lugo Emprega, como por exemplo está facendo á Deputación de Pontevedra ou a da Coruña. Pero diso, evidentemente, non dixeron nada”.
O alcalde de Burela subliñou que “nosoutros cremos nos obradoiros de emprego, dun xeito ou doutro ten que habelos. Non vamos poñer cartos para ningún outro Concello, como pretendían dicir eles. Vamos aportar unha parte do financiamento do obradoiro do emprego, pero no que se refire exclusivamente para o Concello de Burela. E estamos bastante satisfeitos de que se nos teña concedido un novo obradoiro de emprego, porque vai permitir a formación de persoas que neste momento o están pasando moi mal, que precisan formación para poder insertarse laboralmente. E ese é o noso obxectivo”.
Na sesión plenaria de hoxe tamén se aprobou con carácter definitivo a ordenanza de conservación das vías forestais, ordenanza redactada dentro da Mancomunidade de Municipios da Mariña e que pretende garantir o bo estado e conservación das pistas forestais. O rexedor sinalou que “durante a súa exposición pública só se presentou unha alegación por parte dunha asociación da madeira, e atendendo a un informe da secretaría da Mancomunidade de Municipios da Mariña, aprobamos esta ordenanza sen ningún tipo de modificación” e subliñou que “o que fixemos foi seguir os criterios marcados nunha xuntanza mantida hai unhas semanas en Alfoz por parte dos Concellos que formamos parte da Mancomunidade”.
González Barcia criticou ao PSOE: “sorpréndenos a postura do PSOE de Burela, que no seu momento o seu representante na Mancomunidade apoiou a redacción desta ordenanza e agora resulta que se absteñen porque entenden que debería ser aprobada por todos os Concellos da provincia e eu entendo que isto é excesivo. Nós estamos a actuar con seriedade no sentido de que queremos facer respectar o noso patrimonio municipal e que non sexan os veciños de Burela os que se vexan gravados vía impostos pola conservación destas vías forestais”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
