Lugo, 23 de agosto de 2013. Na mañá deste venres, na rolda de prensa trala Xunta de Goberno da Deputación, o delegado de Cultura e Turismo, o nacionalista Mario Outeiro, fixo unha valoración da intensa actividade cultural que desde a Área de Cultura e Turismo se desenvolveu durante todo o verán. Tal e como afirmou Mario Outeiro “todos os días do verán houbo algunha actividade cultural deseñada desde aquí nalgún punto da xeografía lucense, posto que non só realizamos actividades nas instalacións da Deputación, senón que levamos a actividade cultural a todos os concellos lucenses”.
Mario Outeiro lembrou que as actividades de verán nos xardíns da Deputación, con actividades para público infantil os mércores, para todos os públicos o xoves e teatro os venres, así como os martes de cine e os concertos florais dos luns no Museo de Lugo foron un ano máis un éxito pola boa acollida entre o público noutro verán lucense máis. Tamén son, un verán máis, un completo éxito o conxunto de obradoiros e actividades que se deseñan en toda a Rede Museística, xa que todas as súas prazas se adoitan ocupar, ademais do éxito que supuxo o proxecto Enredarte, no que 12 artistas puideron facer as súas creacións interactuando entre eles mesmos e tamén co público que se achegaba á sala de exposicións de San Marcos.
Polos concellos lucenses desenvolveuse a programación “Onde está o Mago Antón?”, na que o ilusionista lucense ía realizando espectáculos de maxia de proximidade polas parroquias para rematar ao día seguinte cunha actuación de maxia. Alí polas diferentes vilas polas que pasou, o espectáculo do Mago Antón foi un completo éxito. Ademais, actualmente estase a desenvolver o programa Cultura Sobre Rodas, grazas ao cal 25 asociacións e concellos lucenses teñen a posibilidade de programar a obra de teatro d’Os Quinquilláns “O capricho do teatro”, unha montaxe arredor da obra de Roberto Vidal Bolaño. Diante deste volume de actividades culturais, e contando ademais co moitas outras actividades que son subvencionadas pola Área de Cultura a través das axudas en concorrencia competitiva a asociacións e concellos, Mario Outeiro contrapuxo o intenso labor de axuda ao sector cultural coa nefasta política que está a levar a cabo a Xunta de Galiza en materia de cultura, reducindo as axudas ao sector até deixalo practicamente en estado terminal.
Na mesma liña, Mario Outeiro cualificou de “tomadura de pelo” as declaración de Jesús Vázquez nas que afirma que a sentenza do TSXG, que obriga a anular os concertos aos centros que segregan nenos e nenas dada a discriminación sexista que supón, se cumprirá de xeito gradual. Segundo Mario Outeiro, a Consellaría de Educación publicou esta orde en pleno mes de agosto, no inicio dunha ponte e coa intención de que pase desapercibida ao conxunto da sociedade galega o incumprimento da sentenza do TSXG que no mes de marzo anulaba os concertos que a Consellaría de Educación que mantiña cos cinco colexios relixiosos que segregan o alumnado por razóns de sexo.
Mario Outeiro lembrou que Adán lembrou que esta supresión dos concertos xa fora decidida polo Goberno bipartito e ao retornar o PP ao goberno galego faltoulle tempo para decidir devolvérllelos. O feito de que non se asuma agora unha sentenza que deixa claro que a actual lei de educación, a LOE, prohibe taxativamente a discriminación do alumado por sexo e aposta por outorgarlle prioridade aos centros educativos que practiquen a “coeducación” implica un desprezo das políticas de igualdade. Por isto, hai que demandar que a Secretaria xeral de Igualdade ou o Vicepresidente da que ela depende organicamente rachen o seu silencio absoluto e expliquen se consideran que desde o principio de igualdade e de coeducación pode desoírse esta sentenza.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
