Foz, 26 de agosto de 2013. O alcalde focense, Javier Jorge Castiñeira, valora moi positivamente os resultados da 1ª Feira Multisectorial de Foz e A Mariña, á que se achegaron cerca de 15.000 persoas durante a pasada fin de semana, segundo destacaron os organizadores. Por iso o rexedor augura que no verán do vindeiro ano 2014 haberá unha segunda edición.
Javier Castiñeira sinalou que “a valoración por parte do Concello da 1ª Feira Multisectorial de Foz e a Mariña non pode ser doutra maneira que moi positiva. A verdade é que houbo moita afluencia de público. Segundo os organizadores e segundo a ACIA, estamos a falar de cerca de 15.000 persoas nun fin de semana, en catro días. Cumpríronse todos os obxectivos dos que se falaron na presentación, con moita capacidade tamén de ventas, que é o máis importante. Sobre todo esa sincronía que houbo co propio pobo, onde se mesturou a parte do que é o propio comercio e as empresas e tamén a propia actividade turística. Eu creo que Foz é un pobo axeitado para este tipo de eventos, sobre todo en verán, e o bo sabor de boca que nos deixa esta feira, non so ó grupo de goberno, senón ós comerciantes de Foz e a todos aqueles que expuxeron, eu creo que nos augura o volver facela nas próximas anualidades. Eu creo que este é un moi bo comezo para todos”.
O alcalde agradece “o traballo feito pola ACIA, o dos organizadores e, por suposto, ós expositores por confiar en Foz; e agradecer, evidentemente tamén, a todos aqueles que viñeron á feira e que gozaron dela. Polo tanto, non me queda outra que dicir que para o ano vémonos na 2ª Feira Multisectorial de Foz e a Mariña”.
Castiñeira engadiu que a feira foi “unha boa antesala tamén para un bo remate do verán”, no que aínda queda a Festa Normanda, “que tamén se publicitou moito nesta feira, xa que o stand do Concello serviu precisamente de escaparate diante destas 15.000 persoas para esa festa, aparte de todo o concello”. Tamén destacou que este verán “está saíndo moi ben, sen ningún incidente, e iso a todos nos enche de orgullo”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
