O Alcalde de Riotorto, o nacionalista Federico Gutiérrez Estoa, anunciou que o Concello está a acometer obras de conservación e mantemento na rede viaria e sendas verdes por unha cuantía de de 41.000 euros, cantidade que foi xestionada pola equipa de goberno diante da Deputación Provincial e que significa que a totalidade das obras están a ser financiadas con recursos alleos ó concello, e o que é o mais importante, que estas obras non lle custan un so euro o conxunto dos veciños de Riotorto. O Goberno de Riotorto entende que unha función central do mesmo, ao igual que da maioría dos concellos de Galiza que para o seu funcionamento precisan de fondos externos, é ser capaces de xestionar investimentos diante doutras administracións.
O Goberno Municipal de Riotorto móstrase satisfeito de que o groso das actuacións, particularmente aquelas de carácter estratéxico que se acometen en Riotorto, proveñan de recursos doutras administracións. Neste sentido dóenos a racanería da Xunta de Galiza con Riotorto, unha racanería que non se limita á ausencia de investimentos senón que se concreta nun castigo permanente ao noso concello polo que lamentamos que todo o espíritu reivindicativo que manifesta de cando en vez o Partido Popular de Riotorto se limite a reñer co veciño e non se dirixa a reivindicar actuacións en Riotorto diante do “goberno amigo”. Nada máis propio daqueles educados na cultura de “sumisos cos fortes, tiranos cos débiles”. O investimento ó que nos estamos referindo é resultado da xestión dunha equipa de goberno formada por dúas forzas políticas distintas pero unidas ó redor dun programa, Riotorto. Trátase dun goberno que traballa en equipo no que cada quen ten as súas funcións e no que por suposto non se estilan navalladas polas costas como as que se estilan no Partido Popular á hora de escoller deputado provincial, algo que tan ben coñece o presidente do PP en Riotorto, Clemente Iglesias, que despois de encabezar unha candidatura coa condición de que se non salía eleito alcalde o PP nomearíao deputado provincial, para rematar sin silla e sin posto.
Para rematar, Gutiérrez Estoa lamenta que o Partido Popular se autoexclúa da xuntanza de portavoces convocada por este alcalde para mañá mércores co fin de tratar a problemática da residencia da terceira idade, porque cando estamos falando de temas importantes para Riotorto deberiamos deixar aparte o que son intereses partidarios e poner por riba os intereses do noso concello. O PP coa súa autoexclusión demostra sen dúbida que é o que lle importa realmente.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
