Cervo, 28 de agosto de 2013-A Concellería de Servizos Sociais que dirixe Pilar Armada organizou no día de hoxe un acto de despedida para os nenos saharauís que pasaron as súas vacacións estivais en Cervo. Un encontro no que participaron o alcalde de Cervo, Alfonso Villares, a edil de Servizos Sociais, os nenos Waara e Bachrir así como as súas familias de acollida en Cervo.
Esta despedida foi un acto emotivo xa que marca a etapa final da estancia dos dous saharauís no municipio, xa que os pequenos aínda permanecerán coas súas familias de acollida uns días máis. “A despedida sempre é dura, e nestes casos especialmente, xa que ambas familias de acollida levan recibindo a visita de Waara e Bachrir varios veráns seguidos” explica Armada.
En concreto, Waara xa é a segunda vez que pasa as súas vacacións en Cervo mentres Bachrir acode por cuarto ano consecutivo. Ao mesmo tempo, ambas familias de acollida son habituais deste programa titulado “Vacacións en paz” que promove a Asociación Solidariedade Galega co Pobo Saharauí e co que colabora o Concello de Cervo facendo unha importante achega económica coa que fai posible a viaxe dos pequenos. Unha colaboración que está plasmada nun convenio subscrito entre ambas entidades dende hai nove anos.
Durante o acto de despedida, alcalde e concelleira fixeron entrega de agasallos aos nenos e aproveitaron para agradecerlles ás familias de acollida a “xenerosidade e sensibilidade coa que abriron o seu fogar a un membro máis durante os meses do verán”, asegura Armada, que destaca que esta iniciativa sae adiante coa unión dos esforzos da asociación, as familias e o Concello. Ambos representantes interesáronse por coñecer os detalles da súa estancia e desexáronlles unha feliz viaxe de volta ás súas casas.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
