Burela, 28 de agosto de 2013. O alcalde de Burela, José María González Barcia, considera como enormemente satisfactoria e positiva a presenza do bonito de Burela no cátering da volta ciclista a España. O rexedor acudiu a Sober hoxe, á saída da etapa deste mércores, acompañado polo presidente da Confraría de Pescadores burelesa, Basilio Otero.
O rexedor dixo que “temos que considerar como enormemente satisfactoria e positiva a presenza do bonito de Burela no cátering da volta ciclista a España. Hoxe puidemos asistir á saída da volta en Sober e a verdade é que é realmente impresionante ver a cantidade de xente que se achegaba polos stands da asociación de hostalería da provincia de Lugo co lema de E para comer… Lugo co obxectivo de poder degustar o bonito do norte en distintas modalidades, presentado por distintos cociñeiros desta provincia. Reitero que hai que cualificar de éxito a presenza do bonito neste cátering, nesta volta ciclista a España, e tamén teño que dicir con toda sinceridade e con toda franqueza que foi o produto máis degustado, e con diferenza absoluta sobre os restantes, nos dous stands que como digo tiña a asociación de hostalería”.
Segundo sinalou José María González Barcia, “polos stands da asociación de hostalería de Galicia degustando o bonito de Burela pasou o presidente da Xunta, Alberto Núñez Feijóo; o portavoz do grupo parlamentario popular no senado, José Manuel Barreiro; a delegada da Xunta en Lugo, Raquel Arias; o propio subdelegado do goberno en Lugo, Ramón Carballo; o conselleiro de Economía, Francisco Conde; a directora xeral para o Turismo, Nava Castro; en definitiva, un elenco de personalidades e de deportistas, porque por alí pasou tamén, por exemplo, Fabián Cancellara e outros corredores do equipo Vacansoleil, que puideron degustar, como digo, un produto exquisitamente preparado”.
O alcalde de Burela fixo unha a valoración altamente positiva: “estivemos acompañados polo patrón maior da Confraría de Pescadores, Basilio Otero, e a verdade é que tanto el como eu saímos de Sober francamente contentos porque consideramos sumamente rendible esta achega que facemos ó cátering da volta ciclista a España, xestión, quero recordar, que se fixo en Fitur do ano 2012. Naquela edición de Fitur xestionouse a presenza do bonito do norte no cátering da volta ciclista a España. Estivo o ano pasado, volve a estar este ano e estou completamente seguro de que, para o ano que ven, o bonito do norte volverá estar presente na volta ciclista a España, co que iso representa de difusión do noso produto e co que iso representa tamén de difusión e divulgación do noso Concello para promovelo turisticamente”.
A volta ciclista a España move uns 2.000 vehículos e máis de 2.500 persoas, entre as que se atopan acreditados periodistas de todos os medios de comunicación deste país e dos lugares de procedencia dos corredores que disputan a proba.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
