A Mariña, 31 de agosto de 2013. A Plataforma na Defensa da Sanidade Pública da Mariña reclama a cobertura con persoal contratado para substituír a xubilación dunha médica con praza no Centro Atención Primaria de Ribadeo que na práctica foi eliminada ao redistribuír o seu cupo de pacientes entre o resto do cadro médico do centro. Dende a Plataforma denuncian o novo recorte na calidade asistencial aplicado pola Xerencia de Xestión Integrada e anima á poboación ribadense a reclamar a cobertura da praza vacante que evite o progresivo desmantelamento na asistencia primaria con este novo recorte que ven a sumarse aos xa aplicados polo SERGAS en Viveiro, Cervo e Xove.
A XERENCIA DE XESTIÓN INTEGRADA CON DIRECCIÓN EN LUGO CONTINÚA CO SEU PLANO DE RECORTES EN ASISTENCIA PRIMARIA CO SILENCIO CÓMPLICE DO XERENTE EXECUTIVO COMARCAL
A Plataforma responsabilizou á Xerencia de Xestión Integrada do progresivo desmantelamento da asistencia primaria na comarca coa perda de persoal facultativo en centros de Viveiro, Cervo e Xove ao que agora se suma a perda dunha praza en Ribadeo coa xubilación dunha facultativa que prestaba os seus servizos no Centro de Atención Primaria de RIBADEO e que provoca unha vacante que non vai ser cuberta por ningún médico xa que o seu cupo de pacientes foi redistribuído entre o resto de persoal médico coa consecuente sobrecarga de traballo e perda de calidade asistencial dos pacientes.
Dende a Plataforma advirten que a intención do SERGAS é extinguir esta praza como xa sucedeu en Cervo e Xove e desviar o orzamento destinado a manter este posto de traballo a outros fins co que Ribadeo perde definitivamente unha praza de persoal médico na localidade.
Non é de recibo, aseguraron, que a Xerencia de Atención Integrada continúe aplicando o seu programa de recortes en asistencia primaria que na comarca xa suporía, con esta, a perda de catro prazas médicas nos centros de primaria despois dos xa aplicados en Viveiro, Cervo e Xove. A Plataforma ademais chamou a atención sobre o silencio cómplice do Xerente Executivo do Hospital da Costa que cala e consinte con este novo recorte demostrando unha vez mais que non ten ningún poder diante das decisións aplicadas dende Lugo.
CHAMAN Á POBOACIÓN RIBADENSE A PROTESTAR E RECLAMAR A COBERTURA DESTA PRAZA VACANTE DIANTE DA INTENCIÓN DO SERGAS DE AMORTIZALA
Dende a Plataforma chaman á poboación ribadense a protestar contra esta medida e reclamar a cobertura desta praza vacante para evitar e poñer freo a un novo deterioro asistencial coa perda definitiva dunha praza médica en Ribadeo. Estamos no convencemento, afirmaron, de que a folla de ruta do SERGAS vai ser continuar con este tipo de recortes confirmando o que dende a Plataforma vimos denunciando dende fai moito tempo como desmantelamento do sistema sanitario público para ser substituído por un modelo privado que sen dúbida deixará sen atención sanitaria a amplas capas da poboación.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
