Barreiros, 11 de setembro de 2013. O artista barreirense Celso Dourado fai un balance positivo da súa participación durante dous meses nunha exposición celebrada en Greiffwald, ao norte de Alemaña. Foi a segunda mostra internacional na que estivo presente a obra de Dourado.
O artista de Barreiros aseguraba esta mañá que “o balance é enormemente positivo. Foi unha exposición colectiva de carácter internacional, que se inaugurou o 8 de xullo e rematou onte, 10 de setembro. A mostra desenvolveuse nun centro cultural ao norte de Alemaña, na localidade de Greiffwald e serviu de marco a diversas actividades culturais da universidade, co que a asistencia de público estaba asegurada. Isto foi o que me animou a participar nesta exposición cando me propuxeron a idea”.
Celso Dourado explicou que “de xeito habitual che están a chegar propostas para facer exposicións e eu as que máis me convencen son as que atendo. No 2011 a miña obra estivo en Edimburgo co gallo da festividade das culturas que se celebra todos os anos na capital de Escocia. Esta exposición de Alemaña era similar e por iso me animei a participar. Son dúas mostras de carácter internacional nas que estiven e que me satisfixeron. Estas exposición colectivas e internacionais para min son moi interesantes e moi importantes”.
Peche da tempada 2013 no Eido Dourado
O Eido Dourado está a piques de pechar a súa quinta tempada e Celso Dourado subliñou que “este ano quixemos atender bastante ás actividades complementarias. Houbo máis visitas que os outros anos, debido á cantidade de xente que pasou pola zona sobre todo durante o mes de agosto e tamén polos eventos que fixemos. Promovéronse cinco eventos, houbo que suspender unha actuación de jazz por cuestións climatolóxicas, e pasaron unha media de 200 persoas por esas citas de tipo musical e poético”. O artista barreirense aludiu ao grande esforzo que isto supuxo “para os que estamos detrás do proxecto Eido Dourado, pero cando o concebín dalgún xeito me fixen cargo de que isto non podería ser un espazo morto senón que había que programar diversas actividades culturais para que tivese viveza. Foi cansado, porque tamén tivemos eventos no cámping Gaivota, o cal supuxo un esforzo importante. Foron 4 eventos no Eido Dourado e 7 nas terrazas do cámping”.
Dourado lembrou que “este espazo adicado á arte, o Eido Dourado, ten en sí unha maior importancia porque non somos presebristas de ninguén nin vivimos de ningún tipo de subvención, o que nos fai, si cadra, un pouco máis libres”.
A tempada 2013 do Eido Dourado pechará o vindeiro domingo, 15 de setembro, para que Celso Dourado poida realizar e participar en exposicións fora dese espazo e para dedicarse a preparar e realizar máis obra para o próximo verán. O artista dixo que “os grupos que queiran visitar o Eido Dourado poden dirixirse ao teléfono que habilitamos 982 12 44 51 para poder concertar unha posible visita a este espazo”.
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
Debido á instalación dos postos, non será posible realizar o sistema habitual de «quita e pon», polo que se instalarán contedores fixos nos puntos indicados no plano elaborado para tal fin. Ademais, colocaranse contedores de reforzo nas seguintes localizacións: Praza Maior. Rúa Irmáns Vilar Ponte. Rúa Fernández Victorio. O Concello agradece a colaboración da veciñanza e do sector hostaleiro no uso responsable dos contedores, recollida de residuos xerados nos espazos cedidos, así como que estes espazos sexan mantidos en condicións axeitadas.
O sábado a partir das 21h espectáculo de narración oral a cargo de Lîlâ Teatro coa obra "Estremonías da Silva" e á súa finalización, música tradicional con Os Carricantos. O domingo, toca sesión vermut da man de José Brea & Miguelón a partir das 13h, para disfrutar dun aperitivo antes do xantar. Como sempre, acompañado das tapas de Galiana e do mellor ambiente.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
De volta no obradoiro, estes verdadeiros artistas puxeron toda a súa creatividade para elaborar preciosos marcos personalizados. Cada marco é único, feito con moito agarimo e cun anaquiño da nosa costa.
