Foz, 11 de setembro de 2013.- A delegada territorial da Xunta en Lugo, Raquel Arias, destacou este mércores en Foz o inicio “con normalidade” do curso escolar 2013-2014 nas aulas dos colexios da comarca da Mariña.
Arias sinalou que, no conxunto da comarca mariñá, son 4.651 os rapaces que iniciaron hoxe o curso 2013-2014, unha cifra que ven dada pola presenza de 1.482 nenas e nenos na Educación Infantil e 3.169, na Educación Primaria.
Arias, que participou na xornada inaugural no Colexio de Educación Infantil e Primaria (CEIP) Fondo Nois de Foz acompañada polo alcalde do municipio focense, Javier Jorge Castiñeiras, destacou que a Consellería de Cultura e Educación está a “cubrir as necesidades” do alumnado en tódolos centros da comarca, ao igual que se está a facer no conxunto da provincia de Lugo. Así, segundo significou Arias, a ratio de alumnos por mestre na zona “sitúase moi por debaixo da que existe no contexto estatal”.
Neste sentido, a delegada referiuse tamén “ao esforzo realizado por parte do Executivo autonómico para modernizar os centros da zona”, nos que nos últimos meses se levaron a cabo actuacións de mellora que supuxeron un investimento de preto de 310.000 euros.
Precisamente, Arias apreciou in situ os traballos de reforma acometidos no CEIP Fondo Nois, mediante os cales se procedeu “á instalación dunha cuberta na zona de xogos para facilitar unha mellora das condicións do centro”, da que se beneficiaron os case 150 alumnos cos que conta este centro focense.
Incorporacións á rede de centros plurilingües
Así mesmo, Arias aludiu ao “incremento” de centros plurilingües e seccións bilingües na provincia de Lugo para o presente curso. En concreto, o número de centros plurilingües crece máis dun 38% coa incorporación de cinco novos centros a esta rede, “dous deles precisamente nesta comarca, o CEIP Pedro Caselles Rollán, en Xove e o IES San Rosendo, en Mondoñedo”, apuntou Arias.
Mentres, no caso das seccións bilingües, a subida permite incluír a un 35% máis de alumnos que no curso pasado, agrupando xa a case 4.000 rapaces (3.984 alumnos), incluídas tódalas etapas educativas.
Arias subliñou a importancia destas iniciativas no contexto actual. “A formación en idiomas e o manexo das novas tecnoloxías non son xa un plus, senón que son algo básico e indispensable. A Xunta, consciente desta realidade, segue investindo e promovendo neste eido educativo en Lugo”.
Ao fío destas novidades, Arias quixo tamén concluír “agradecendo o traballo que están a realizar todos os profesores, porque sen o esforzo dos profesionais da ensinanza non sería posible garantir a calidade do ensino”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
