Foz, 11 de setembro de 2013. A Xunta de Galicia está rematando a cuberta do patio do colexio público de Nois e o peche do pavillón polideportivo do Ceip Número 1 de Foz. A importancia destas obras foi destacada hoxe polo alcalde focense, Javier Jorge Castiñeira, quen tamén anunciou que o Concello acondiciona un aparcamento para vehículos nas inmediacións do instituto de Secundaria.
Despois de visitar o colexio de Nois, xunto á delegada territorial da Xunta na provincia de Lugo, o rexedor municipal de Foz manifestou a súa satisfacción por esta actuación, que está a piques de rematar, para cubrir o patio do centro e agradeceu publicamente “a Raquel Arias e a Consellería de Cultura e Educación por facer unhas obras tan necesarias neste colexio”. E lembrou que “xa hai ano e medio viñera o conselleiro e había dous compromisos coa Anpa e coa dirección do centro, que se cumpriron: un deles era o pintado da fachada da escola, que se fixo o ano pasado, e agora están a rematar xa os traballos para a cuberta da zona infantil, que é necesario para que os rapaces disfruten moito máis do patio. É unha obra importante cun investimento que rolda os 60.000 euros, que se conseguiu despois dun traballo importante por parte do centro e do propio Concello para facerlle ver ao conselleiro que era unha obra totalmente necesaria nun colexio que ten bastantes anos e conta con 140 alumnos, o que supón un nivel de matrícula moi bo, o cal nos reconforta. Acolle aos rapaces de Nois, Cordido e Cangas e tamén a algún de Burela”.
Javier Castiñeira referiuse ademais á actuación que está executando a Xunta no colexio público Número 1 de Foz: “é outra obra importante, tamén para facer as zonas de patio e de recreo máis accesibles no inverno. Neste caso trátase de facer unha parede lateral para pechar o pavillón polideportivo. É unha obra, pedida pola Anpa e pola dirección do centro, que se está rematando, agora que comeza o curso”.
O alcalde destacou que entre os dous colexios “estamos a falar dunha dotación económica de cerca de 100.000 euros, que se une ao investimento que se fixo o ano pasado no Número 1 para a cubrición do centro. Isto demostra que a Consellería de Cultura e Educación está comprometida cos colexios de Foz e nós temos que agradecer ese traballo que está facendo a delegada territorial da Xunta no noso concello”.
Castiñeira anunciou tamén que o Concello está levando a cabo unha actuación no instituto de Secundaria de Foz “para dotalo dun aparcamento na zona exterior, axeitando unha finca que foi alugada. Faise para mellorar o accesos e a seguridade, a petición da dirección do centro”.
Polo tanto, para o rexedor municipal está sendo “un comezo de curso bo, con obras rematadas ou a piques de acabar polo compromiso da Xunta de Galicia e do Concello de Foz”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
