Foz, 12 de setembro de 2013. O Concello de Foz está limpando os colectores de lixo que hai en todas as parroquias do municipio. Esta labor non se facía dende hai moitos anos, como explicou a concelleira de Medio Ambiente, Maite López Rego, quen lembrou que nos recipientes para os residuos que hai na vila focense ese traballo levouse a cabo no pasado mes de xullo.
“Dende o comezo desta lexislatura o equipo de goberno está intentando mellorar o servizo de recollida do lixo. Agora tocoulle ás parroquias a limpeza dos colectores, porque nas distintas xuntanzas con veciños que tivo o alcalde durante o verán era unha das cousas máis solicitadas por estes. Comentaban que había moitos anos que non se limpaban, polo que buscamos unha empresa que fixera ese traballo dunha forma diferente, porque para nós non vale unha pasada por auga porque iso non soluciona nada. O que necesitábamos era unha limpeza máis a fondo”, explicou a edil de Medio Ambiente.
Maite López manifestou que nunha reunión cun dos responsables da empresa encargada de facer os traballos “el mesmo me comentaba o mal estado no que estaban os colectores, pola sucidade acumulada durante anos. Tamén lle chama a atención a cantidade de colectores que hai no concello, porque segundo el son demasiados para o número de habitantes que ten Foz”.
A concelleira tamén comentou que “o outro día lendo a prensa sorprendinme co que dicía o PSOE, porque falaban de que os colectores estaban sucios no casco urbano de Foz e non o entendo pois só hai dous meses que se limparon. Pregúntome como estarían entón na época en que gobernaban eles, na que non os limpaban. Pero está claro que é máis fácil ver a palla no ollo alleo e criticar antes de que me critiquen. Nós, alleos a todo isto, seguimos traballando para mellorar o servizo e non descansaremos ata que consigamos facelo o máis perfecto posible. Estou segura de que coa axuda de todos vámolo conseguir”.
López Rego rematou pedindo desculpas porque “seguro que algunha molestia ou algún problema se lle puido ocasionar aos veciños durante a limpeza dos colectores.”
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
