O Deputado de Economía do Coñecemento, Emprendedores e Innovación, Alfredo Llano, presentou este xoves os resultados das auditorías sobre madurez tecnolóxica que a institución realizou gratis ás 40 empresas da Mariña sumadas ó programa Reacciona coas TICs. LLano salientou que esta iniciativa dota a entidades lucenses das ferramentas informáticas necesarias para mellorar a súa xestión e competitividade no mercado. Todo isto a custe cero, xa que o organismo provincial asume todos os gastos con máis de 200.000 euros de fondos europeos do Innova-TE.
Na Zona Norte da provincia, hai 36 empresas apuntadas a este plan da Deputación, que inclúe a diagnose, a instalación de software libre e a formación para tirarlle o maior partido ás novas teconoloxías. As entidades participantes pertencen a sectores moi diferentes, que van dende pescaderías ata construtores, pasando por talleres, transporte de mercadorías, turismo e comercio minorista, entre outros. Burela, Viveiro e Ribadeo son as vilas que máis empresas achegan ó plan con 10, 7 e 5 respectivamente, pero completan as cifras outros concellos como Lourenzá, Foz ou Trabada.
Na xornada deste xoves en Viveiro presentáronse os datos do estudo individualizado e exhaustivo, realizado ás empresas acollidas ó programa. Os resultados poñen de manifesto a necesidade de mellorar a formación e uso das TICs nas entidades analizadas. Un 43% carece de web propia, o 78% non conta cunha web orientada ó comercio electrónico, o 76% non emprega sistemas avanzados de xestión de clientes, e un 43% das empresas non dispón de certificado dixital, ente outros aspectos.
Atendendo a estes resultados, a Deputación instalará de xeito gratuíto solucións informáticas nas propias empresas e organizará obradoiros formativos para os empresarios e traballadores. Entre os talleres previstos, segundo as necesidades detectadas, atópase a formación sobre marketing e redes sociais; o xeoposicionamento, o xeomarketing e os códigos QR; a fidelización de clientes con boletíns electrónicos de MailChimp; o aproveitamento da Web ou Blog empresarial; as opcións de Google Docs e outras ferramentas corporativas; e solucións varias para o almacenamento en nube, Dropbox, Google Drive.
A xornada tamén incluíu o relato sobre a experiencia en novas tecnoloxías dunha empresa lucense, DaPedra, dedicada á artesanía de alto deseño coa fabricación de chemineas de interior.
Importante aforro para PEMES e autónomos
Alfredo Llano explicou que a Deputación presta este servizo de asesoramento de xeito completamente gratuíto e inclúe unha diagnose do uso das TICs, a implantación do software oportuno e máis a formación necesaria para sacarlle rendemento ás novas tecnoloxías. Estes servizos terían un custe moi elevado se os empresarios os contrataran pola súa conta, de feito moitas das empresas participantes non se poderían permitir un investimento semellante. A Deputación consegue reducir custes instalando software libre e formando ós traballadores para que se encarguen eles mesmos do mantemento e xestión das ferramentas informáticas.
A institución provincial inviste neste programa máis de 200.000 euros, financiados ó 80% con fondos europeos, nunha clara aposta polas novas tecnoloxías e para impulsar ás PEMES e autónomos como sector económico clave na provincia.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
