Ribadeo, 17 de setembro de 2013. Ata o 30 de setembro está aberto na Casa da Xuventude o prazo de inscrición nas escolas deportivas municipais de Ribadeo 2013/2014. Durante o presente curso haberá 12 modalidades: fútbol, fútbol-sala, patinaxe, natación, tenis, baloncesto, ximnasia rítmica, padel, karate, atletismo, tenis de mesa e baile deportivo.
As escolas deportivas municipais están dirixidas a nenos e nenas nados de 2000 a 2009, ambos incluídos. A cota por escola é de 60 euros e o prazo para facer o pagamento remata o 31 de outubro. Desde a Concellaría de Deportes sinalan que “dito pagamento efectuarase na conta corrente do Concello en Caixa Rural, poñendo coma concepto matrícula escola deportiva e o nome do matriculado. Despois o resgardo debidamente cumprimentado será entregado na Casa da Xuventude. A falla do ingreso implicará a baixa nas escolas”.
Segundo informa a Concellería de Deportes “nas escolas con límite de prazas realizarase un sorteo entre os inscritos o 1 de outubro, tendo preferencia os empadroados/escolarizados en Ribadeo”. As inscricións poderanse presentar ata finais deste mes de luns a venres en horario de 9 a 14 horas e os luns e os mércores tamén pola tarde de 16 a 20 horas. Os interesados en obter máis información poden chamar por teléfono ao 982 129 889.
Onte tivo lugar a presentación da escola de baloncesto e tamén comezou a traballar a de fútbol. O día 25 de setembro iniciará a súa andaina a de atletismo e o 28 de setembro será o turno para a de baile deportivo. No caso do fútbol-sala haberá unha xuntanza o 30 de setembro ás 19:30 horas no pavillón. As escolas deportivas de padel, de ximnasia rítmica e de patinaxe inícianse o 1 de outubro, as de karate e de tenis de mesa darán comezo o 2 de outubro, a de natación o 4 de outubro e a de tenis o 14 de outubro.
As escolas deportivas municipais do Concello de Ribadeo concluirán entre o 15 de maio e o 1 de xullo respectivamente.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
