Ribadeo, 23 de setembro 2013.- O chinés é o idioma chave para o futuro. Para o ano 2020 agárdase que China sexa a primeira potencia económica do mundo. A maior parte da inversión mundial irá a China e empresas de todo o mundo establecerán alí as súas bases. Por todo isto, a persoa que fale chinés terá unha grande vantaxe sobre as que só falen inglés. “Se falas chinés, ademais de inglés, serás un profesional buscadísimo”, apuntan todos os analistas.
A pesar disto, a dificultade para encontrar docentes desta lingua en España é un dos hándicaps para o seu estudo. Non é o caso da Mariña lucense, xa que o Espazo de Aprendizaxe e Creatividade Pedagóxica MAUmarela!, ubicado en Ribadeo, retomará este curso as clases do idioma asiático. “O curso pasado houbo sete alumnos, de entre 3 e 12 anos; foi unha experiencia piloto que nos serviu para darnos conta do axiña que collen os pícaros o idioma e a facilidade coa que aprenden a debuxar algúns dos ideogramas”, afirma Guillermo Hernández, coordinador de Formación de MAUmarela!
A profesora, Chen Wu, é nativa residente en Ribadeo. O nivel do curso é de iniciación, malia que cada alumno ou alumna poderá ir avanzando ao seu ritmo. “Completaremos a nosa oferta cun blog, onde colgaremos vídeos cos contidos de cada clase, de xeito que se poida estudar e repasar na casa durante toda a semana”. A pronuncia é o máis difícil do idioma, xa que unha pequena diferencia na entona cambia o significado das palabras. Pola contra, en chinés as palabras non teñen xénero, nin número. Por iso, en canto a morfoloxía gramática, o chinés resulta máis simple có inglés ou o có español.
Os materiais didácticos están deseñados por MAUmarela! “Estamos adaptando os cursos de maneira que os alumnos que o desexen se poidan presentar, nun momento dado, ao exame internacional estandarizado de nivel de chino HSK”, sinala Guillermo.
Non hai que esquencer que o chinés, ademais de ser un idioma interesantísimo, axuda a que @s máis pequen@s desenvolvan a capacidade de artellar diferentes maneiras de estruturar a linguaxe e de pensar.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
