Cervo, 24 de setembro de 2013-O Concello de Cervo reafirmou hoxe o seu compromiso de non subir os impostos nos anos 2013, 2014 e 2015 nin tampouco actualizar as taxas e ordenanzas en base ao IPC, tal e como xa anunciara o ano pasado na presentación dos actuais orzamentos. Unha medida coa que o grupo de goberno pretende “que a situación de crise non repercuta nos nosos veciños” asegura a edil de Facenda, Yolanda Pedreira. Ao mesmo tempo, o executivo local comprométese a manter a prestación dos mesmos servizos e coa mesma calidade que ata o de agora.
Isto é posible grazas á boa situación económico-financeira das arcas municipais, que pechan o exercicio de 2012 cun superávit de 258.000 euros, o que significa que o Concello pode facer fronte aos gastos correntes con fondos propios. Un dato que fala da “estabilidade orzamentaria na que se atopa nos últimos anos o Consistorio cervense” explica a edil.
Estes datos positivos danse en todos os indicadores económicos da Conta Xeral de 2012, como é o caso do remanente de tesourería, que ascende a 1,2 millóns de euros e que permite dispoñer de financiamento adicional para asumir posibles modificacións orzamentarias. Neste caso, a subida con respecto ao exercicio anterior é de máis dun millón de euros. “O saldo positivo do remanente de tesourería non é exclusivo deste exercicio, senón que é sostido no tempo, e iso é o máis importante” explica Pedreira.
Tamén hai que destacar o resultado orzamentario positivo, que ascende a 832.000 euros. Magnitudes, todas elas, que “son o reflexo dunha excelente xestión económica por parte do equipo de goberno” engade a edil de Facenda. Non hai que esquecer que a Conta Xeral será aprobada no pleno deste xoves (20:00 horas) de forma que o trámite se realizará dentro do prazo que sinala a Lei de Facendas Locais “polo que podemos dicir que levamos a contabilidade ao día”. Do mesmo xeito, tamén será remitida ao Consello de Contas en tempo e forma.
Os bos resultados da Conta Xeral tamén permiten ao Concello pagar aos seus provedores dentro do prazos que marca a lei de medidas contra a morosidade e, polo tanto, “cumprimos coas nosas obrigas como administración”. En resumo “temos boa saúde financeira, resultados orzamentarios positivos e déficit cero”, o que se traduce directamente en que “seguimos prestando servizos públicos de calidade e levamos o pagamento a provedores ao día” remata a responsable de Facenda.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
