Mondoñedo, 24 de setembro de 2013- O Partido Popular de Mondoñedo fai pública a existencia de informes técnicos que avalan a existencia de deficiencias na execución da obra de reordenación dos espazos do entorno da catedral, Rúa da Fonte e Praza do Seminario. Esta documentación reflexa que as patoloxías detectadas na citada infraestrutura, xunto a obras pendentes de executar, alcanzan un importe total de 181.291, 08 euros.
Os populares explican que con data 18 de maio de 2012, redáctase un primeiro informe técnico emitido ao Concello de Mondoñedo no que se pon en coñecemento do alcalde que no mes de marzo de 2012, a empresa abandonou a obra, de forma unilateral, deixando traballos pendentes na execución das melloras, elementos de acabado e sinalización sen executar, así como defectos de execución nalgunhas unidades de obra que, transcorrido o tempo, materializáronse en patoloxías de certa envergadura.
Dende o Partido Popular de Mondoñedo informan que aínda que se requira o aval, que ascende a 38.832,44 euros; nesta obra pérdese a contía de 142.458,64 euros, dado que as obras pendentes de executar e as patoloxías detectadas, como explicaron os populares, suman un total de 181.291,08 euros.
Pregunta plenaria
Aos populares non lle constan accións contundentes por parte de Orlando González ata un ano despois de ter coñecemento das deficiencias que avala o informe de data 18 de maio de 2013. Neste senso, levouse o 30 de maio de 2013 á sesión plenaria unha proposta da alcaldía que se aprobou co obxecto de conceder ao contratista o prazo dun mes para que, seguindo as instrucións facilitadas polos técnicos, procedera a reparar as deficiencias observadas, así como á execución das melloras ofertadas que faltan por executar. Deste xeito, dende o Grupo Municipal formularán unha pregunta dirixida aos alcalde na que lle preguntarán por esta tardanza.
Asemade, os populares explican que esta única comunicación formal que lles consta se produciu logo de que os populares pedisen a constitución dunha comisión de investigación para analizar a situación que se estaba a dar en torno a obra do entorno do Seminario, da Catedral e da Rúa da Fonte.
O PP local lamenta a falta de implicación e de responsabilidade do equipo de goberno local, e considera que ademais de dar explicacións non só aos populares senón que tamén aos mindonienses, deberíanse asumir e depurar responsabilidades políticas.
Os populares fan estas declaracións tendo en conta que se trata dun investimento de 1,1 millóns de euros que no lugar de beneficiar á cidade, danou a imaxe que Mondoñedo está a proxectar aos turísticas e dificultou o día a día dos veciños.
Valoración dos danos e unidades pendentes de executar
Dunha maneira máis concreta, os populares explican que froito da mala execución na obra, producíronse certas patoloxías cuxo arranxo implica unha contía superior aos 15.000 euros; a maiores o contratista abandonou o proxecto deixando un volume de obra sen executar correspondente a unidades de obra catalogadas como melloras no contrato de adxudicación; e que suman un total de 110.874,76 euros. Contía que sumado aos 15.000 euros xunto ao outros gastos xerais e impostos , supón un total de 181.291,08 euros, tal e como explicaron dende o PP.
Os populares lembran que as melloras foron a principal razón que motivou a adxudicación da obra, desprazando a empresas locais, unha situación que lamentan dende o PP e que xa denunciaron en reiteradas ocasións.
Dentro deste grupo, segundo explican os populares, inclúense elementos de sinalización que quedaron pendentes de executar, a conexión eléctrica das instalacións legalizadas así como a realización do proxecto de legalización das mesmas.
Deficiencias no resultado da obra
Os populares lamentan, segundo recollen o propio informe técnico, que na citada obra deixáronse arquetas e elementos de pedra sen un rexuntado adecuado que, por un defectuoso asentamento, materializáronse en desprendementos de pedras e en algúns casos na rotura deixando inservibles certas zonas da rúa, co correspondente risco para persoas e vehículos.
O informe tamén recolle que as conexións das instalacións eléctricas deixáronse realizadas de forma provisional, sen a realización do conseguinte proxecto de legalización preceptivo, sendo ditas instalacións, polo seu carácter provisional, imposibles de legalizar.
A maiores, deixáronse elementos do mobiliario urbano sen a preceptiva sinalización, tales como bancos e similares, de forma que foron golpeados por vehículos e movidos do seu sitio.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
