Santiago, 03 de outubro de 2013.- O portavoz do Mar do Grupo Parlamentario Popular, Jose Manuel Balseiro, acusou este xoves ao seu homólogo no Partido Socialista, Jose Ramón Val Alonso, non estar á altura da defensa dos intereses do sector pesqueiro galego e de desenvolver unha liña de torpedeo e falta de apoio a todas as iniciativas que, promovidas polo Partido Popular no Parlamento de Galicia, son positivas para a nosa flota.
Balseiro lembrou que o PSOE na Cámara galega chegou a votar en contra de iniciativas tan obxectivamente positivas para a pesca galega como son: a petición do PP para que se flexibilizara a prohibición dos descartes pesqueiros, a actualización da normativa sobre tripulacións mínimas, o rexeitamento do acordo pesqueiro con Mauritania mentres exclúa á flota cefalopodeira, a adhesión ás propostas realizadas pola Federación Galega de Confrarías de Pescadores sobre o plan de xestión do caladoiro nacional do Cantábrico noroeste, as propostas do PP sobre as medidas para facilitar o proceso de regularización das embarcacións pesqueiras galegas, a petición a Europa para que recoñeza as peculiaridades da flota artesanal e do marisqueos galegos ou finalmente, a iniciativa popular sobre a potenciación do turismo mariñeiro.
Balseiro incluso lembra que ata tal punto chegou o sectarismo do portavoz socialista que mantivo en dúbida ata o último momento a posición do seu grupo sobre o apoio a unha medida tan positiva como a solicitude do aumento da cota da pescada, que promovida polo Partido Popular, contaba co respaldo –incluso presencial- dos representantes do sector pesqueiro galego e mariñán.
MARXINALIDADE E INDEFINICIÓN
O parlamentario popular preguntouse como é posible que Val Alonso non sexa capaz de votar favorablemente aquilo que demanda o sector e, nese caso, que é o que apoia este deputado que coa súa neglixente toma de posición leva ao Grupo Socialista en temas pesqueiros polo abismo da indefinición e da marxinalidade.
Balseiro lamenta que cando se trata de falar do futuro dun sector tan importante para Galicia como é o da pesca e do marisqueo o PSOE non teña no Parlamento galego unha persoa coa experiencia e a responsabilidade que caracterizaba a outros deputados que lle antecederon, como pode ser incluso Ismael Rego, con quen era posible consensuar moitas das iniciativas que contaban co apoio do sector.
CONTINUAS RECTIFICACIÓNS DESDE EUROPA
O portavoz popular explicou finalmente que a posición de traizón que protagoniza Val Alonso aos intereses do sector pesqueiro galego lévalle ao PSOE a contradicirse, xa que en moitas ocasións –como puido ser o caso dos descartes ou do acordo pesqueiro con Mauritania- os socialistas votaban en contra no Parlamento de Galicia e a favor no Parlamento europeo das teses defendidas polo PP, corrixindo e rectificando a errada posición do PSOE da man de Val Alonso.
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
Debido á instalación dos postos, non será posible realizar o sistema habitual de «quita e pon», polo que se instalarán contedores fixos nos puntos indicados no plano elaborado para tal fin. Ademais, colocaranse contedores de reforzo nas seguintes localizacións: Praza Maior. Rúa Irmáns Vilar Ponte. Rúa Fernández Victorio. O Concello agradece a colaboración da veciñanza e do sector hostaleiro no uso responsable dos contedores, recollida de residuos xerados nos espazos cedidos, así como que estes espazos sexan mantidos en condicións axeitadas.
O sábado a partir das 21h espectáculo de narración oral a cargo de Lîlâ Teatro coa obra "Estremonías da Silva" e á súa finalización, música tradicional con Os Carricantos. O domingo, toca sesión vermut da man de José Brea & Miguelón a partir das 13h, para disfrutar dun aperitivo antes do xantar. Como sempre, acompañado das tapas de Galiana e do mellor ambiente.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
De volta no obradoiro, estes verdadeiros artistas puxeron toda a súa creatividade para elaborar preciosos marcos personalizados. Cada marco é único, feito con moito agarimo e cun anaquiño da nosa costa.
