Cervo, 7 de outubro de 2013-O Concello de Cervo deu a coñecer este luns as primeiras actividades incluídas no programa de outono de 2013 que se desenvolverán esta fin de semana. En concreto, dende venres ata domingo, ofreceranse eventos participativos para nenos e nenas que inclúen teatro, obradoiros e contacontos.
O venres arrincará o primeiro evento, o taller de teatro infantil, no que se poden apuntar os nenos e nenas de primaria ata o día 10 de outubro na Casa da Cultura. Polo momento xa se están superando os niveis de demanda con respecto a anteriores edicións. Esta actividade terá lugar todos os venres de outubro, novembro e decembro de 16:30 a 17:30 na Casa da Cultura, agás os festivos, e durante as sesións os nenos e nenas aprenderán a desenvolverse sobre o escenario, interactuando cos compañeiros e representando unha peza teatral.
O Ecomuseo de Cervo acollerá o sábado día 12 a partir das 12:30 horas un taller de outono dirixido a nenos e nenas de segundo ciclo de infantil. Unha actividade na que os pequenos realizarán manualidades con materiais e temáticas relacionadas coa estación do outono. Para participar tamén é necesario inscribirse, e para iso poderán acudir á Casa do Concello e á Casa da Cultura ata o día 11.
A fin de semana rematará co contacontos “Un día de outono”, a cargo do Rincón do Trasgo, que terá lugar o día 13 de outubro ás 17:00 horas na Casa da Cultura. Neste caso o público recomendado serán os nenos de infantil e primaria, que ao remate do contacontos poderán participar nun taller de manualidades de outono. Neste caso non é necesaria a inscrición.
Estas iniciativas inclúense nun programa máis amplo de actividades previstas para os meses de outubro e novembro que se dará a coñecer ao longo desta semana e no que traballaron en conxunto numerosas áreas do goberno local.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
