Cervo (Lugo), 11 de outubro de 2013.- A Consellería de Medio Ambiente, Territorio e Infraestruturas vén de poñer en servizo o punto limpo de Cervo, unha instalación para a xestión dos residuos especiais, xa sexa polo seu volume ou perigosidade. O conselleiro Agustín Hernández visitou hoxe estas instalacións, que funcionan dende o pasado mes de xullo.
O Goberno galego, a través da Secretaría Xeral de Calidade e Avaliación Ambiental, realizou unha achega económica de 270.000 euros para facer realidade este punto limpo ubicado no polígono industrial de Cuíña.
As instalacións dispoñen de dúas plataformas a distinto nivel, unha elevada a 1,45 metros por riba da outra, quedando separadas a zona de carga da de descarga e co desnivel axeitado para facilitar a vertedura en colectores.
Esta nova infraestrutura, que supón o punto limpo número 30 da provincia de Lugo, consta de 28 contedores (para madeira, roupa, cartón, envases…) e inclúe un almacén de RAAES (Residuos de Aparatos Eléctricos e Electrónicos).
PUNTO LIMPO DE CERVO
– 7 contedores abertos para madeira, metais, entullos, residuos voluminosos e plásticos
– 1 contedor metálico de roupa
– 1 contedor metálico para cartón
– 1 contedor tipo iglú para vidro
– 1 contedor tipo iglú para envases
– 1 contedor de dobre casco para disolventes
– 1 contedor de dobre casco para aceites minerais
– 1 contedor de dobre casco para aceites vexetais
– 2 bidóns para as pilas
– 2 contedores para pilas
– 2 contedores para fluorescentes
– 2 contedores para baterías
– 2 contedores para residuos perigosos
– 1 contedor para vidro plano
– 1 contedor para aerosois
– 1 contedor para radiografías
132 puntos limpos en Galicia
Hernández lembrou que a comunidade galega xa dispón de 132 destas instalacións e completaranse con 5 máis que están en tramitación ou construción (Fene, Sada, Trabada, A Veiga e Nigrán).
A Consellería de Medio Ambiente, publicou unha Guía de clasificación de residuos en puntos limpos. Neste manual inclúese información de utilidade para os operarios sobre a xestión dos distintos tipos de residuos, pretendendo que a través dunha mellor formación se maximicen as posibilidades de recuperación, reciclaxe e valorización dos diferentes materiais achegados. Esta iniciativa enmárcase dentro do Programa de Vixilancia e Control dos Puntos Limpos que a Consellería desenvolve co fin de prestar asesoramento e avaliar a xestión que se fai dos residuos.
O Plan de Xestión de Residuos Sólidos Urbanos 2010-2020, no que se enmarcan este tipo de instalacións, prevé o aumento da rede de puntos limpos, coa consecución de 296 infraestruturas na comunidade galega.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
