Burela, 14 de outubro de 2013. O equipo de goberno burelés asegurou hoxe que “o convenio entre a Xunta de Galicia e o Concello de Burela para a construción dunha nova gardería está asinado, e ben asinado. O PSOE votou en contra, e alá el coas súas responsabilidades”, respondendo así ás críticas vertidas nas últimas horas por parte dos socialistas.
O goberno burelés indicou que “calquera entende que non teremos solo dotacional en tanto non se aprobe definitivamente o Plano Xeral de Ordenación Municipal (PXOM), e que mentres iso non aconteza non se pode licitar a obra, nin por suposto facela; por iso optamos por retirar a aportación municipal do presente ano para facer a obra”. E engaden que “parece que todo o mundo entende o do terreo, porque xa o explicamos algunha vez; todo o mundo menos o PSOE, instalado nunha deriva de crítica sistemática lonxe do que debe ser un partido que estando na oposición actúa de forma responsable, por ter sido a metade dun goberno municipal”.
O equipo de goberno popular de Burela lembrou que “as condicións dos convenios entre administracións para construír garderías fixounas o Sr. Gabilondo, derradeiro ministro de Educación dos gobernos Zapatero. De feito, a nova gardería de Burela está incluída no programa Educa-3, asinado en novembro de 2011 entre o Sr. Gabilondo e a Xunta de Galicia. Por iso ou respectamos as regras do xogo, ou non temos nova escola infantil”.
Pero o goberno burelés vai máis aló: “Burela puido contar cunha nova escola infantil, o Sr. Llano tívoo moi doado. Gastouse practicamente oitocentos mil euros en farolitas de deseño para non facer ningún aforro enerxético, cando con eses cartos puido comprar un par de solares, tal e como lle pediu o PP estando na oposición, e facer non unha, senón dúas escolas infantís de 41 prazas cada unha”. O equipo de González Barcia afonda no asunto e afirma que “o bipartito burelés gastouse nada máis e nada menos que un millón oitocentos mil euros do Plan E; un millón do plan extraordinario de obras da Deputación; o remanente que nós deixamos en 2007 e que ascendía a un millón douscentos mil euros, e por riba deixaron sen pagar un millón trescentos mil euros. Ou sexa, tiveron nas mans cinco millóns trescentos mil euros e non foron capaces de facer nada de nada pola segunda escola infantil, o que demostra ata onde chega a capacidade de derroche do Sr. Llano e os seus acólitos”.
O equipo de goberno burelés asegura que “agora, nunha situación económica complexa e nada doada, o PSOE pide que o Concello non gaste un peso. Non se pode actuar con máis cinismo e ser máis irresponsable, xa que sabemos, e eles tamén, que se o Concello non pon nada, non haberá nova escola infantil e perderemos unha ocasión para asentar e ganar poboación e crear emprego”.
Finalmente, o equipo de González Barcia afirma que “exactamente igual que un goberno municipal do PP fixo toda a actual escola infantil en dúas etapas, con moito esforzo e sacrificio, tamén con moito esforzo e sacrificio acometemos a segunda escola infantil. Se o PSOE se quere sumar ó proxecto, benvido será, aínda que o probable é que siga pola crítica sistemática que pouco ou nulo rendemento electoral lle reportará”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
