Lugo, 15 de outubro de 2013. O vicepresidente da Deputación de Lugo, e responsábel das áreas de Benestar Social e Deporte, o nacionalista Antonio Veiga vén de reunirse coa presidenta da Asociación para a Loita na Contra das Enfermidades Renais de Lugo (ALCER-LUGO), Carmen Berta García Abelairas, para asinar un convenio de colaboración,mediante o cal a institución provincial aporta 5.000 euros; cantidade coa que a devandita asociación poderá contratar un servizo de transporte para ofrecer o tratamento de hemodiálise.
Grazas a esta colaboración da área de Benestar Social da Deputación de Lugo, ALCER-LUGO poderá seguir camiñando na consecución dos seus fins, como son o desenvolvemento de estratexias solidarias para que se poidan acadar equilibrios interterritoriais en calidade e servizos, así como a mellora da situación das persoas con enfermidades renais ou con discapacidade así como das súas familias, favorecendo a integración e a normalización persoal, familiar, social e laboral.
Antonio Veiga, destacou a necesidade deste servizo de transporte “dado que os doentes afectados por este tipo de enfermidades vese na obriga de ter que someterse a tratamento en unidades de hemodiálise tres veces por semana durante catro ou cinco horas por sesión, o que supón unha serie de dificultades de cara a normalizar a vida social, laboral e a familiar propiamente dita”.
“Ademais, – continuou o vicepresidente- hai que ter en conta que a maioría dos concellos da provincia de Lugo caracterízanse por ter unha alta dispersión xeográfica, de maneira que cobra unha maior importancia a existencia dun sistema de transporte adecuado que faga posíbel que todas as persoas afectadas por enfermidades renais, independentemente do medio no que vivan, poidan recibir o tratamento axeitado da forma menos custosa e rápida posíbel”.
Para Antonio Veiga, esta é unha mostra do compromiso da Deputación lucense co benestar e a saúde de todas as persoas con independencia da enfermidade que padezan. “Mentres o Partido Popular penaliza aos enfermos, principalmente aqueles que sofren doenzas graves como cancro, esclerose ou hepatite C, aos que obriga a copagar as menciñas que reciben da farmacia hospitalaria en dispensación ambulatoria, desde a Vicepresidencia tratamos de que ningunha persoa quede sen o seus tratamento por razóns económicas ou de mobilidade. A crise non pode servir para expulsar do sistema sanitario ás persoas que máis necesitan de coidados e tratamentos axeitados. As prioridades do Partido Popular á hora de gobernar nada teñen que ver coas que temos nesta institución provincial. O Goberno da Xunta e do Estado gobernan obsesionados polo control do déficit e da falsa austeridade, pola contra, na Deputación de Lugo, a prioridade son as persoas, a súa saúde e o seu benestar”.
A Vicepresidencia da Deputación de Lugo traballa a prol da igualdade no acceso á sanidade e ao benestar social, algo que contrasta coas políticas que están a exercer os populares tanto desde a Xunta de Galiza como do Goberno do Estado; e esta colaboración coa Asociación para a Loita na Contra das Enfermidades Renais de Lugo é boa proba do labor que desenvolve a institución provincial neste senso.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
