O Burela FS Pescados Rubén asinou unha tarde de gloria para a historia do Vista Alegre; o día en que a maxia da familia laranxa freou ao campión. A escadra de Juanlu puido parar ao xigante FC Barcelona (2-2), con defensa ordeada na primeira parte e elaboración e valentía na segunda, ante a atenta mirada dun Vista Alegre repleto.
Os mariñáns saíron para dar a cara, moi serios en defensa, pero tamén con gañas de retar ao todopoderoso Barcelona. Paco Sedano respondeu sen problemas ás primeiras chegadas do Burela FS, nos pes de Iago Míguez; no minuto 6, un balón certeiro de David Burrito case da a alegría aos locais nun despexe dubitativo de Gabriel. Chegando ao ecuador do primeiro período a Álex intensificóuselle o traballo; tras o perigo de Lozano (minuto 8), o pau repeleu o misil de Aircardo (minuto 9); Lin tamén probou sen éxito (minuto 10). Dúas boas tentativas de Mata, dende medio campo, e Burrito, en contraataque, antecederon a vantaxe visitante; chegou o primeiro gol dos cataláns en xogada de estratexia, a punto de cumprirse en 13 de xogo, culminado por Ari. A vontade dos galegos non conseguiu mover o electrónico no resto da primeira parte, coa parella Juanma-Burrito (minuto 14) e Iago Míguez, á contra (minuto 18) entre as ocasións máis claras.
Tras o descanso, a elaboración tivo nome do Burela FS Pescados Rubén. Antoñito levantouse como o estandarte mariñán para desarmar ao rival; antes de cumprirse o primeiro minuto da segunda parte, puxo en apretos a Paco Sedano por partida dobre. E por fin chegou, o empate tan desexado e merecido; non podía ser doutra maneira, das zapatillas de Iago Míguez (minuto 23), con gran protagonismo ofensivo durante todo o encontro. Segundos despois, Matamoros, dende balón parado de Christian, volvía a poñer en pe aos 1.400 espectadores da bomboneira. Reaccionou o gran titán; no minuto 25, intentouno Gabriel pero topouse co pau, seguido dun par de tentativas barcelonistas infructuosas entre desaxustes nos metros finais e gran entendemento da defensa laranxa.
Un minuto despois volveu á carga o 5 burelés cun disparo lonxano, con magnífica resposta tamén en defensa apoiando a Álex para frear unha nova avalancha visitante. Antoñito buscou adiantarse no marcador, no 29, cun lanzamento que se foi alto, asistido por Mimi. Sen embargo, foi o FC Barcelona o que encontrou antes a recompensa segundos despois, e menos merecida; despois dunha oportuna aparición de Sedano, Ari puido finalizar en contraataque para anotar o 1-2.
Non se amilanaron os de Juanlu ante o xigante FC Barcelona. No 31 David Burrito dispuxo dunha oportunidade de ouro so ante o meta barcelonista, un balón que non puido controlar (31). Juanma, Antoñito e Iago Míguez tamén o intentaron rondando o 33. A falta de 2.27 minutos para o final, o valente Burela FS enfundoulle a Mimi a camiseta azul para ir a por todas. Vista Alegre estalou de xúbilo co empate 2-2 que consiguiu introducir Christian, a tan so 10 segundos para o final. Os visitantes gastaron o seu último cartucho con Ari tamén de cinco, sen tempo para máis.
8ª jornada
Os pupilos de Juanlu desprazaranse á pista de Ríos Renovables Ribera Navarra na vindeira xornada; o encuentro está programado para o venres 25 ás 20.30 horas, no Ciudad de Tudela.
Ficha técnica
Burela FS Pescados Rubén: Álex, Mimi, Iago Míguez, Juanma e Antoñito, cinco inicial; tamén xogaron Christian, David Burrito, Isi, Matamoros,
FC Barcelona Alusport: Paco Sedano, Ari, Sergio Lozano, Saad e Fernandao, cinco inicial; tamén xogaron Torras, Lin, Gabriel, Wilde, Aicardo, Igor
Goles: 0-1, minuto 12, Ari; 1-1, minuto 23, Iago Míguez; 1-2, minuto 29, Ari; 2-2, minuto 39, Christian
Árbitros: Redondo Arenales // Viedma Martín(Castela e León)
Tarxetas: Por FC Barcelona, amarela a Lozano (minuto 9), Saad (minuto 16), Ari (minuto 38)
Incidencias: Partido correspondente á sétima xornada da Primera División LNFS disputado en Vista Alegre. 1.400 espectadores (aforo completo).
*Foto: A Caixa Escura Producións
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
