Lugo, 22 de outubro de 2013.- O secretario xeral do Partido Popular na provincia de Lugo, Jose Manuel Balseiro, cualificou de “infundadas e desnortadas” as críticas de socialistas e nacionalistas aos orzamentos da Xunta para o ano próximo lembrándolles que en 2014 o investimento por habitante na provincia de Lugo duplicará ao previsto polo bipartito.
Balseiro explicou que en plena crise o Partido Popular achegará un gasto por habitante que se sitúa en 728 euros por lucense, un dato que case multiplica por dous os 374 euros que os socialistas e nacionalistas contemplaban nos seu último orzamento, o do ano 2009.
O secretario xeral dos populares explica tamén que Lugo será a provincia máis beneficiada polo esforzo inversor do Goberno que preside Alberto Núñez Feijóo, o que proba a súa aposta pola provincia, e nesa liña sinala que os lucenses recibiremos máis gasto público por habitante que Ourense (704 euros), Pontevedra (484 euros) e A Coruña (478 euros)
“Se PSOE e BNG critican estas contas hoxe, que non deberan ter dito na súa etapa de goberno bipartito cando, a pesar de ser unha época de bonanza económica e dispoñer dun orzamento global moito superior investían a metade que nós na provincia. Isto si era un castigo aos lucenses e unha parálise aos principais proxectos e infraestruturas” –dixo Balseiro.
MEDIO AMBIENTE
Jose Manuel Balseiro fixo tamén un repaso aos principais investimentos da Xunta para 2014 na provincia, insistindo que o manexo dos datos fai inviable o intento da oposición enredar e confundir a todos os galegos. Así por exemplo salientou o esforzo de consellerías como a de Medio Ambiente, Territorio e Infraestruturas que mantén o volume de investimento situándoo en 58 millóns de euros
Así por exemplo destacou as partidas previstas para o Auditorio de Lugo (8,13 M€, é dicir, 3 millóns máis que no 2013), para o corredor Lugo-Sarria-Monforte (8 millóns de euros, 2,6 millóns máis que en 2013) para finalizar o plan Paradai (2,8 M€) ou para garantir os accesos ao porto de Burela (800.000 euros) e porto seco de Monforte (3,5 M€)
Destacou as partidas reservadas para o mantemento das infraestruturas viarias, urbanas e hidráulicas, que suman un presuposto de 49,4 M€, o 85% do orzamento global. Así por exemplo as obras de abastecemento de Barreiros e da Edar de Ribadeo, dúas actuacións para as que se reservan 6,8 M€ nas contas de 2014
SANIDADE, BENESTAR E EDUCACIÓN
No ámbito da saúde Balseiro quixo salientar o dato histórico que supón que por primeira vez apareza nuns orzamentos da Xunta unha partida específica para a ampliación do Hospital da Costa, para cuxo proxecto Sanidade reserva 190.000 euros, e no tocante ás áreas de benestar significou os 600.000 euros para a residencia de Paradela ou a achega prevista para o proxecto de residencia de Foz.
SECTORES PRODUTIVOS E NOVAS TECNOLOXÍAS
Finalmente Balseiro destacou os investimento en promoción do turismo (1.750.000 euros), innovación e solucións tecnolóxicas (1.800.000 euros) ou os 18,6 millóns de euros que achegará a Consellería do Medio Rural e do Mar, para rematar sinalando que logo do repaso de cada unha destas cifras PSOE e BNG deberían esforzarse en, polo menos, actuar con rigor nas súas críticas e no xeito de facer oposición.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
