Burela, 23 de outubro de 2013. O equipo de goberno do Concello de Burela reuniuse para empezar a preparar os orzamentos municipais para o ano 2014. O obxectivo, segundo o concelleiro de Economía, José Casas, é aprobalos no vindeiro mes de novembro e que entren en vigor o día 1 de xaneiro.
Segundo explicou o edil popular “as previsións que estamos manexando en canto a prazos evidentemente pasan por aprobar os orzamentos no pleno ordinario do mes de novembro ou ben, se non fose posible, facer unha sesión extraordinaria un pouco máis adiante. Pero en todo caso será para que os orzamentos entren en vigor o día 1 de xaneiro, porque, como é sabido, despois teñen que estar expostos ao público durante 15 días e os prazos hai que cumprilos. As previsións son que podemos telos pechados a mediados de novembro”.
Sobre as cifras José Casas dixo que “non vai haber grandes variacións respecto aos orzamentos deste ano, polo menos aos que se aprobaron inicialmente porque despois houbo incrementos en función das subvencións que fomos recibindo. Pode haber un aumento moi pequeno en relación cos deste ano, en torno ao 1 por cento aproximadamente. Iso pode significar un incremento no orzamento de ingresos de entre 80.000 e 90.000 euros. Pero tamén se aumenta o capítulo de gastos, porque temos que facer fronte á suba de prezos das distintas subministracións que temos, que todas se encareceron un pouco e polo tanto ese aumento dos ingresos vai ser compensado polo incremento dos gastos”.
O concelleiro de Economía subliñou que “nos orzamentos de 2014 de Burela haberá un factor determinante. Con motivo das célebres facturas por importe dun 1.300.000 euros, que o bipartito deixou pendentes de pagar e sen consignación presupostaria, o noso equipo de goberno viuse na obriga de pedir un crédito no segundo trimestre do pasado ano. Durante 2012 e 2013 solo estivemos abonando intereses, pero o vindeiro ano xa temos que empezar a amortizar capital. A maiores dos intereses teremos que pagar 60.000 euros”. Para José Casas trátase “dunha cifra moi importante que nos vai restar capacidade de manobra. A nós tócanos pagar agora a herdanza do bipartito”.
Casas sinalou que “pouco a pouco cada delegación municipal irá marcando as súas pautas e máis adiante, dentro duns días, teremos unha segunda reunión do equipo de goberno para concretar datos: ver que actuacións se van levar a cabo e con que diñeiro contamos realmente. Agora mesmo cada concelleiro delegado está recompilando datos o feito e o que lle queda por facer neste ano, do diñeiro co que contou neste exercicio e ver se as previsións que ten para o próximo se axustan a esa cantidade, porque non vai haber un grande incremento con respecto a este ano 2013”.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
