Lugo, 24 de outubro de 2013. Este xoves, o delegado de Cultura e Turismo da Deputación de Lugo, o nacionalista Mario Outeiro, compareceu en rolda de prensa para informar do proceso de levantamento das pezas da colección Álvaro Gil, que se produciu nesta xornada, data fixada oficialmente a partir da cal se podía proceder ao seu levantamento, a pesar de que na última xuntanza realizada o venres entre a Deputación e a familia de Álvaro Gil, o representante desta última solicitara á Deputación a posibilidade de retrasar até a vindeira semana este proceso.
Tal e como informou Mario Outeiro, pese a que a Deputación puxera da súa parte todas as facilidades para que a familia de Álvaro Gil procedese ao levantamento, e os representantes da familia afirmaran que agardarían á semana que vén para proceder ao traslado das pezas, decidiron finalmente que sería este xoves sen comunicalo previamente nin á institución museística nin ao propio delegado de Cultura e Turismo. Malia isto, non supuxo ningún inconveniente e todo transcorreu con normalidade xa que desde a Área de Cultura e Turismo e o Museo se tiña deseñado o protocolo de actuación para este proceso, que requiría pechar por estritas razóns de seguridade o Museo, e que se abriu con normalidade unha vez rematado o traslado. O propio delegado de Cultura e Turismo supervisou in situ o proceso de levantamento das pezas que se alongou durante toda a mañá.
Mario Outeiro informou aos medios de comunicación que desde a Deputación procedeuse sempre desde a máxima legalidade, informando do levantamento tanto á Xunta de Galiza como ao Ministerio de Cultura, cumprindo polo tanto con todos os trámites en tempo e forma. No momento de proceder ao levantamento asinouse unha acta para dar fe da situación que será remitida tanto á Xunta de Galiza como ao Ministerio de Cultura.
O delegado de Cultura quixo facer fincapé en que malia que é un día triste para todo Lugo pola importante perda cultural que supón que estas pezas non poidan ser exhibidas na súa casa, onde permaneceron as últimas catro décadas, o Museo de Lugo segue a ser a casa de todos os lucenses e nel existen moitas outras pezas que aportan o seu valor histórico, artístico e patrimonial. O Museo continuará coa normalidade absoluta a desenvolver o traballo que o caracteriza: ser un museo aberto a todas e todos, cunha clara vocación didáctica e divulgativa, e non un mero almacén de cousas antigas, grazas ao cal obtivo en numerosas ocasións o recoñecemento pola súa forte aposta na programación de actividades pensadas por e para todos e todas.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
