A Deputación dará a coñecer o entorno natural ós pequenos de Viveiro cun obradoiro gratuíto que se celebrará o vindeiro luns, 28 de outubro, na sala Multiusos do Concello en horario de 17:00 a 19:00 horas. A actividade fomentará entre os escolares a adopción de hábitos adecuados para preservar o seu medio natural máis próximo.
O obradoiro está dirixido a pequenos de idades entre os 6 e os 12 anos que coñecerán, por medio de esta actividade, o valor medioambiental do seu entorno máis próximo, propiciando unha reflexión sobre a importancia de preservalo. Analizarán as condutas máis habituais en relación coa natureza e accións que poden realizar a cotío para a protección e posta en valor destes espazos.
Trátase dunha iniciativa de concienciación medioambiental que forma parte da programación nos Concellos posta en marcha pola Deputación dende o Centro de Interpretación Terras do Miño para o 4º trimestre do ano. Para participar só é necesario inscribirse na páxina web www.deputaciondelugo.org, ou ben chamar ó número de teléfono 982 227 812. Neste mesmo espazo tamén se pode consultar toda a información sobre esta e outras actividades do CITM.
Rutas pola provincia
Entre as actividades que impulsa o Centro de Interpretación Terras do Miño hai conferencias, obradoiros e rutas para toda a familia. Este domingo 27 de outubro, un grupo de máis de 50 persoas percorrerá a Serra do Caurel, na primeira de 3 rutas planificadas pola provincia que teñen a auga como protagonista. Neste caso partirán ás 9:00 da mañá e regresarán ás 20:00 horas. A actividade é gratuíta e para grupos reducidos co obxectivo de minimizar o seu impacto ambiental. As vindeiras rutas serán o 24 de novembro, para coñecer as Covas do Furco nos Ancares, e o 15 de decembro en Guitiriz.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
