Lourenzá, 29 de outubro de 2013. Vilanova de Lourenzá acollerá este sábado, día 2 de novembro, dous actos para lembrar o nomeamento de Francisco Fernández del Riego como fillo predilecto do concello. Na xornada, á que asistirá o conselleiro de Cultura, Jesús Vázquez, inaugurarase unha exposición e haberá unha charla coloquio sobre o escritor laurentino.
A concelleira de Cultura, Lupe Flórez Seivane, explicou que as actividades previstas para o vindeiro sábado están incluídas dentro da programación deste ano dedicado a Fernández del Riego en Lourenzá, “actos que deron comezo no mes de maio conmemorando o Día das Letras Galegas, do que foi gran impulsor; seguiron o 25 de xullo, Día de Galicia, e rematarán o 26 deste mes de novembro, cando recordaremos a data do seu pasamento”.
Lupe Flórez anunciou que este sábado “vamos facer unha lembranza do seu nomeamento como fillo predilecto do Concello de Lourenzá en novembro do 2011, para o que teremos dous actos fundamentais. O primeiro dará comezo ás doce da mañá na sala de exposicións da Casa do Concello, onde terá lugar a inauguración da exposición denominada Francisco Fernández del Riego, cos ollos do espírito. Centenario do nacemento 1913-2013. É unha mostra cedida pola Fundación Penzol que chega ao noso Concello para exhibirse nestas dependencias ata o venres 15 de novembro. Os horarios de visita serán de 17 a 20 horas. En canto a esta exposición destacamos a presenza do conselleiro de Cultura, Jesús Vázquez, e a presentación da mostra por parte da comisaria da mesma. Deseguido terá lugar unha charla coloquio no salón de actos da Casa do Concello baixo o título Galicia no espello. Reflexos de Francisco Fernández del Riego, na que distintos coñecedores e amigos persoais de don Paco esbozarán aos asistentes as súas diferentes facetas vitais: humana, familiar, literaria e académica. Dentro das presenzas xa confirmadas temos, por unha banda, ao laurentino Manuel Román Ramos, gran coñecedor de Francisco Fernández del Riego e coautor xunto a Xosé González de dous libros sobre a vida de don Paco: Lume aceso e Vivir unha vida; e, por outra banda, tamén temos confirmada a participación de Francisco Domínguez, que é o director da Fundación Penzol”.
A edil de Cultura lembrou “a importancia que ten para o desenrolo de todos estes actos no ano de Francisco Fernández del Riego, declarado polo Concello, o patrocinio e a colaboración da Xunta de Galicia, concretamente da Consellería de Cultura. E, por outra banda, nestes últimos actos, tanto no do Día de Galicia como nesta exposición que vamos ter en Lourenzá dende o 2 de novembro, da Fundación Penzol, que colabora desinteresadamente con estas actividades”.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
