O Burela FS Pescados Rubén de Juanlu enfróntase este sábado ao equipo revelación de Primeira División, o debutante Montesinos Jumilla FS, na novena xornada. O encontro, emitido en directo por TVG2, comezará ás 16.15 horas, en Vista Alegre.
“É unha cita que afrontamos con ilusión. Sempre dixen que o mellor estaba por chegar e cada vez estamos máis preto; neste segundo tramo temos a confianza de sumar máis” transmitía así Juanlu a seguridade que proporcionaron á escuadra laranxa os resultados máis recentes. “Dos últimos catro partidos, pechamos tres moi bos, co accidente de Zaragoza. Temos que ser un equipo forte na casa, vémonos con esa obriga para reforzar o bo traballo de fóra, onde xa conseguimos 7 dos nosos 11 puntos” reflexionaba o técnico burelista, desde a oitava praza.
Con 13 puntos e na sexta posición chega á comarca da Mariña o equipo murciano, que xa demostrou que se move como peixe na auga en Primeira, a pesar de ser a súa primeira tempada, ofrecendo regularidade tanto na casa coma a domicilio; fóra da súa pista, de catro encontros, só sucumbiron ante Inter Movistar (8-2) e Marfil Santa Coloma (8-7). “É un equipo que nos sorprendeu a todos, forte e cun gran nivel de confianza pola súa excelente adaptación á categoría. Chega sen presión porque xa asegurou practicamente a categoría, o seu obxectivo inicial, e con moito perigo porque, despois do grande inicio, crense capaces de todo” explicaba Juanlu.
A expedición do Jumilla partirá esta noite con rumbo a Galicia, co ex-burelista Ique; completará a súa preparación mañá pola mañá en Vista Alegre. As filas laranxas contarán coa única dúbida de Christian, cunha contractura de isquiotibiais. Hoxe xa se incorporou aos adestramentos Antoñito, despois do seu periplo coa Vermella en terras lusas. A última sesión da semana está prevista para mañá ás 17.00 horas.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
