Burela, 12 de novembro de 2013. O alcalde burelés, José María González Barcia, xunto cos concelleiros de Mar, Obras e Economía, Patricia López Eijo, Manuel Fernández Valle, e José Casas Martínez, respectivamente; e técnicos de Armón e Varadeiros Vibu, supervisaron este martes os traballos de mantemento que se levan a cabo no barco museo Reina del Carmen nas instalacións do asteleiro burelés.
Os técnicos de Armón e Vibu explicáronlle ao alcalde o alcance dos traballos que se están a facer, consistentes basicamente en sanear as partes do casco que se atopan en estado deficiente, concretamente dúas tracas e un anaco de carel, e en acondicionar o casco do buque para que continúe prestando os seus servicios como barco-museo.
Á vista dos traballos que hai que realizar, o barco volverá ao seu punto de atraque no peirao burelés na vindeira semana, agás inconvenientes de última hora. Ao respecto, a concelleira do Mar, Patricia López Eijo, manifestou que “o estado xeral do barco é satisfactorio; de feito, estaba bastante peor hai dous anos dado que levaba catro anos sen subir ao carro. Tal e como adiantamos a semana pasada, as partes que se atopan en estado máis deficiente non representan un problema serio. De todos os xeitos, estamos sopesando a posibilidade de facer as revisións do casco máis a míudo”.
López Eijo indicou que “o barco seguirá prestando os seus servicios como o veu facendo ata o de agora, con visitas previa cita e guiadas. De feito, estamos planificando coa Concellería de Turismo unha campaña de difusión do barco museo entre os centros de ensino similar á que se fixo hai aproximadamente dez anos e que tan bos resultados tivo”.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
