Lugo, 13 de novembro de 2013. O vicepresidente da Deputación de Lugo e responsábel das áreas de Benestar Social e Deporte, o nacionalista Antonio Veiga, presentou, este mércores, o programa para a formación de pais e nais con fillos deportistas: “Os pais no deporte, importancia e papel”, unha iniciativa que parte do interese de contribuír, desde a Unidade de Psicoloxía e Coaching Deportivo de Galiza, á formación, ao desenvolvemento e á mellora dos deportistas na nosa Comunidade, así como do interese da institución provincial polo desenvolvemento destas charlas. No acto de presentación tamén estiveron Rubén Domínguez, coordinador da Unidade de Psicoloxía e Coaching Deportivo de Galiza; Pilar López, concelleira de Deportes de Monforte; e Vicente Castro, concelleiro de Deportes de Ribadeo.
Dotar aos pais, adestradores e directivos deportivos dunha formación relevante para desenvolver o seu papel no deporte dos seus fillos e, desta maneira, contribuír á súa formación, cunha ferramenta que aporte valor á práctica deportiva dos seus fillos, non só desde o punto de vista físico, senón tamén desde o punto de vista da promoción do benestar e das relacións sociais, é o principal obxectivo destas charlas, que se celebraran o día 20 de novembro en Ribadeo, e o 26 e 27 en Monforte e Lugo, respectivamente.
Neste sentido, Antonio Veiga destacou “a importancia do papel que teñen que desenvolver as familias, neste caso, os pais e nais, máis aínda nunha provincia coma Lugo, na que existe unha grandísima afección ao deporte e na que se imparten todas cantas especialidades hai” e explicou que “estas charlas, que chegarán a todas as comarcas de Lugo, serán de grande interese para os pais e nais, pois non sempre se teñen claras todas as claves e conceptos que hai que ter cando os fillos e fillas practican algunha disciplina deportiva, ao mesmo tempo que contribuirán a que os rapaces e rapazas teñan unha mellor formación deportiva, tanto desde o punto de vista físico, como psicolóxico ou social”.
As charlas pretenden ser unha continua interacción outorgando aos asistentes ás mesmas a posibilidade de preguntar e opinar. Está previsto que se imparta unha parte teórica de coñecemento moi práctico, que se alternará con algún vídeo sobre casos reais de deportistas e as súas familias, que axuden a esclarecer o papel do país tanto na dirección adecuada como aquelas actitudes desaconselladas, e coa presenza dalgún deportista ou familiar que aporte a súa experiencia neste ámbito. Como complemento, repartiranse uns folletos informativos con datos relevantes para os pais e nais dos deportistas.
Profesionais da psicoloxía e o coaching no deporte da talla de Joaquín Dosil, Rubén Domínguez, Ignacio Iglesias, Rubén López, Luís Abel Taboada, Hugo Fernández ou Iago Roel serán os encargados de achegar estes coñecementos aos pais e nais que participen nestas xornadas.
Os pais e nais interesados en asistir a este programa formativo, poden inscribirse na seguinte dirección de correo electrónico: coordinador@libredon.org.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
