Cervo, 14 de novembro de 2013. O BNG non apoiou os orzamentos municipais para 2014 dos que so salientou como positivo a súa presentación dentro dos prazos legais e o incremento da partida para destinada ao FEUGA para formación e emprego. Do resto afirmaron que se tratan dunhas contas continuistas derivadas dunha situación de “práctica intervención e rescate do concello” por parte do Estado ao ter que adherirse a normativas de axuda debido ao endebedamento existente como o Plan de Axuste ou o RD de pago a provedores que o incapacitan para investir en servizos ou actuacións necesarios para a cidadanía.
Os orzamentos municipais para 2014 demostran que a boa saúde económica do concello non é tanta, seguimos cunha prevista para final de 2014 de 2,36 M€ que inhabilita ao concello para realizar investimentos importantes e non se prevén actuacións doutras administracións. A situación do concello na práctica é de “intervención e rescate” ao ter que acollerse á lexislación estatal derivada do Plan de Axuste ou de pago a provedores pola situación de endebedamento que o imposibilita para investir e lle resta autonomía de xestión.
Para o portavoz municipal do BNG, Xoán Antón Estúa, a partida de investimento real é raquítica igualando a cantidade do ano 2013 en 237.000 euros e repartida en pequenas cantidades, algo que contradí a boa saúde das arcas municipais como adoitan presumir os responsábeis locais do PP. Os nacionalistas botaron en falla investimentos que consideraron urxentes para avanzar no saneamento de augas residuais e completar as redes de saneamento en zonas como a do Porto de Arriba en San Cibrao e outras do concello.
Os orzamentos municipais tamén recollen fortes subidas no gasto enerxético para saneamento e abastecemento de augas – un 40% – así como un 20% no gasto por recollida de residuos que non se van derivar na súa aplicación aos recibos a pagar polos usuarios nin no 2014, nin no 2015, unha medida que o BNG considerou electoralista á vista das convocatorias electorais prevista. Pola contra, Estúa acusou ao goberno municipal de tratar de facer trampa á xente anunciando que non se van tocar as taxas e impostos, nin sequera coa actualización do IPC, algo que faría baixar taxas e impostos pola caída interanual deste indicador.
O BNG ademais de ter un recordatorio para as traballadoras e traballadores de cerámicas Sargadelos cuxa situación é gravísima, pediulle ao alcalde que explicara á veciñanza como se entende que durante anos estivese premiando a un centro educativo do concello e agora, cando hai outro que lle pide axuda para evitar os efectos dun decreto de comedores, inxusto e lesivo para o medio rural, ou non atende as peticións por non contradicir á consellaría e o partido.
Por último criticaron o gasto en protocolo e propaganda ou gastos diversos que superan os 80.000 euros e os 121.000 euros anuais en salarios, dietas e asistencias do grupo de goberno así como o mantemento dun gabinete de prensa que lle supón un gasto mensual ao concello de 2.300 euros, que cualificaron de indecente nun concello de 4.500 habitantes onde hai catro dedicacións e dúas camufladas.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
