A Mariña, 21 de novembro de 2013. O Bloque Nacionalista Galego acode aos plenos convocados para este xoves polos gobernos do Partido Popular cunha mensaxe moi clara: “o verdadeiro destrutor de emprego, quen xerou 2.000 parados na comarca da Mariña nos últimos cinco anos, é o Partido Popular. Os gobernos dos populares si que son auténticos perigos públicos para lograr unha sociedade xusta.”
Desde as filas nacionalistas acusan aos populares de “hipocrisía” e de estar utilizando os concellos e as persoas máis necesitadas para a súa campaña. “O PP está instalado na oposición da oposición. Ao que teñen que dedicarse as señoras e señores do Partido Popular é a gobernar e a solucionar os problemas da xente. O que están facendo é xustamente o contrario: están creándolle máis problemas ás mulleres e homes deste País (o desemprego medra continuamente, empresas desaparecen tras ter investido diñeiro público, os servizos sanitarios redúcense e cóbrase por eles, o ensino deixase sen recursos… e un longo etc. que fai que a poboación estea cada vez en peores condicións.”
Tamén agardan desde o BNG que os alcaldes do Partido Popular sexan igual de belixerantes cando se trata de respostar ante as medidas inhumanas e inxustas que promoven a Xunta e o Goberno central, porque “para o único que levantaron a voz foi para criticar a reforma da administración local, pero non para preocuparse polos servizos que lles queren quitar ás veciñas e veciños, senón para protestar porque lles baixaban os salarios e, aí si, ata ameazaban con romper carnés do PP. Isto demostra que os alcaldes do PP non só non defenden os intereses xerais, senón que son auténticos vividores a costa da política.”
Neste sentido, desde o BNG instan ás alcaldías populares a que lle reclamen á Xunta de Galiza inversións na comarca para o plan de emprego que levan anos prometendo e que nunca chega, que utilizan demagoxicamente cando a cidadanía pide explicacións polas empresas que día tras día pechan as súas portas ou reducen os seus cadros de persoal deixando a centos de persoas na rúa. Os nacionalistas poñen o exemplo de empresas emblemáticas da comarca como Mobles Hermida, Ecar, Construcciones Mon, Gres Burela ou Sargadelos, algunhas delas receptoras de cuantiosas axudas públicas e todas elas caídas durante o goberno do Partido Popular sen que ningún dos agora defensores das paradas e parados levantaran a voz para pedir responsabilidades dun goberno do PP que se ten convertido no verdadeiro destrutor do emprego na nosa comarca e no noso País.” Por iso, o BNG presenta unha emenda aos orzamentos da Xunta de Galiza na que solicitan 3.000.000 de euros para plans de emprego e acompañamento para a Mariña e, “nese debate, é onde cada quen se posicionará e se verá se a preocupación polo desemprego na comarca é real ou só responde a unha estratexia partidista de desgaste das institucións nas que non goberna o Partido Popular.”
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
