Burela, 21 de novembro de 2013. O alcalde de Burela, José María González Barcia, compareceu este xoves en rolda de prensa, logo do pleno extraordinario celebrado pola Corporación burelesa e no que se aprobou pedir que o Concello e os parados de Burela poidan acceder ó Plano de Emprego da Deputación, acompañado de todo o seu equipo de goberno, para “deixar claro que Burela quere participar no Plan de Emprego da Deputación e que Burela esíxelle a Gómez Besteiro un trato equitativo co que Burela é, e co papel que Burela tén dentro da provincia. Non queremos nin máis nin menos, só o que nos corresponde”.
O rexedor afirmou que “o Concello de Burela, o concello de todos os veciños e veciñas de Burela, non recibe no presente ano, nin o dous por cento do que aporta á Deputación. Recibe exactamente o 1’64% do que aporta”.
González Barcia a continuación explicou con todo detalle os datos: “a Deputación de Lugo recibe da Administración Xeral do Estado, é dicir, de todos os cidadáns da provincia, a cantidade de 62.677.740 de euros. O que supón unha media de 179’64 euros por cada un dos 348.902 cidadáns da provincia segundo o padrón de 2012. Polo tanto, Burela, cos seus 9.631 habitantes en 2012, aportaría un total de 1.730.112’84 euros”. O alcalde burelés engadiu que “si a eso lle sumanos os impostos directos e indirectos, dos que a Deputación presupostou para este ano uns ingresos de 8.967.314 euros, a aportación media por habitante ascendería a 205’24 euros. Así, Burela aportaría un adicional de 247.531 euros, ou sexa, un total de 1.977.644 euros, preto de dous millóns de euros”.
José Mª González Barcia dixo que “postos no peor dos casos, e tomando só como referencia a partida de transferencias de capital, que conta cun total de 5.718.460 euros, Burela tería que recibir en función dos seus habitantes un total de 157.850 euros. Se falamos de investimentos reais máis transferencias de capital, o total que tería que recibir Burela ascende a 694.874 euros. Nos dous casos o que realmente percibimos é infinitamente menor ó que realmente nos tocaría a percibir”.
O alcalde insistiu en que “o Concello de Burela só ten recibido no presente ano un total de 32.500 euros, moi lonxe en todo caso das contías que están recibindo Concellos con alcaldes socialistas ou nacionalistas. E esto significa unha burla manifesta xa non ó Concello en si mesmo, senón ós veciños e veciñas da vila de Burela”.
No referente ó Plano de Emprego da Deputación, o rexedor burelés cualificouno de “sectario e excluinte, porque a ninguén lle cabe na cabeza que se teña en conta a superficie forestal ou o estar ou non na Rede Natura para poder acceder a este Plan completamente surrealista e que o único que pretende é afianzar ó PSOE nos Concellos nos que goberna na zona da montaña luguesa. En cambio, quedamos excluídos concellos con ratios de desemprego máis elevados que os que se van ver beneficiados”.
González Barcia afirmou que “o plano de Gómez Besteiro é caciquil, porque o dicta el, prescindindo de moitos Concellos da provincia; e é clientelar porque busca garantir o deputado provincial da montaña”.
Finalmente, o alcalde de Burela tildou de “irresponsable” o voto en contra dos concelleiros do PSOE e do Grupo Mixto: “o PSOE e o Grupo Mixto non queren que o Concello de Burela estea incluído no Plano de Emprego da Deputación, o PSOE e o Grupo Mixto non queren que os parados de Burela poidan acceder a un posto de traballo financiado pola Deputación. O PSOE demostra absoluta submisión ós dictados de Gómez Besteiro e nulo interese por defender os intereses dos parados de Burela”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
