Burela, 22 de novembro de 2013. O alcalde, José María González Barcia, cualificou este venres de “decisiva” a firme aposta que Portos de Galicia está a facer para aumentar a seguridade da dársena do porto burelés, “o que demostra unha vez máis, o compromiso da Xunta con Burela, neste caso, e unha vez máis, resaltado pola receptividade e sensibilidade de Portos de Galicia”.
O rexedor referíase así á reunión mantida onte, mércores, na confraría de pescadores de Burela entre Portos de Galicia, o sector pesqueiro burelés e o Concello, e na que técnicos de Portos de Galicia explicaron as dúas novas alternativas derivadas da ampliación do estudio feito para mellorar a seguridade interior do porto burelés. Como se sabe, hai uns meses, Portos de Galicia plantexou cinco alternativas que non convenceron ó sector, de aí que se ampliase o estudio e que trouxesen consigo estas dúas novas alternativas.
O alcalde burelés manifestou que “unha das alternativas contempla a construción dun martelo de cincuenta metros de largo que sairía en diagonal desde a esquina exterior da superficie onde se ubica ABSA, en dirección ó actual martelo que separa a zona comercial da pesqueira. A segunda alternativa compaxina a anterior coa ampliación do actual martelo en vinte metros”.
Según explicou González Barcia, “a redución do impacto das ondas tanto en forza coma en horas por ano redúcese considerablemente con respecto á situación actual e tamén con respecto ás outras alternativas coa que combina martelo en diagonal con prolongación do actual en vinte metros. Alternativa que concitou o consenso de todos os presentes”.
Neste sentido, o alcalde burelés sinalou que “hai que destacar e significar o traballo conxunto que facemos Portos de Galicia, sector pesqueiro e Concello, e que como se ve da os seus froitos. E tamén é salientable o consenso existente entre a autoridade portuaria galega e o sector pesqueiro tanto neste coma noutros temas, pero creo que especialmente neste asunto dado que a seguridade dos barcos en caso de mal tempo é prioritaria para o sector”.
Por iso, segundo Barcia, “visto o consenso existente, que non tardou en concretarse, Portos manifestou a súa intención de redactar o proxecto construtivo desta alternativa, o que sen dúbida é máis ca unha boa noticia: é un paso adiante moi significativo, xa que pasaremos dos estudios á concreción da solución, para posteriormente seguir dando os pasos que marca a lei”.
O alcalde engadiu que “comeza a darse resposta a unha demanda do sector, que, como acontece con outras moitas, sempre foi apoiada polo actual equipo de goberno e polo partido que o sustenta. De feito, nós estamos, e estaremos, sempre actuando como forza motriz para impulsar aquelas propostas que beneficien ó sector e que contribúan a mellorar as instalación portuarias. E neste caso desde a Alcaldía e desde o equipo de goberno xa nos poñemos a traballar para axilizar todo o posible que se faga realidade esta demanda do sector, demanda asumida por Portos de Galicia como compromiso propio”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
